حب من نوع آخر - الجزء الأول

أحبج حب غير عن حب الناس

أحبج وأعشق التراب إلي تحت أقدامج

أحبج من زمان ومن زمان و من زمان

أحب عيونج .. أحب شعرج ... أحب سمارج .. أحب عطرج

أحب كل الذكريات إلي تجمعنا مع بعض

تذكرين حبيبتي ... تذكرين أول نسمة هوا شميتها من هواج

تذكرين أول لحظة لقاء ..أول نظرة

تذكرين أول كلمة علمتينياها ياللي كلامج كله ذهب بذهب

تذكرين أول لقمة أكلتها بحضنج

تذكرين قطرة الماي .. إلي شربتها من ماي عينج ... يا عسى عيني ما تبجيج

فداج قلبي إلي حبج

تذكرين السوالف .. تذكرين السهر

تذكرين أيام البرد .. تمسحين على راسي بإيدج الدافية .. وأغفى وأنام على حزاويج

تذكرين أيام الصيف ...نجمع الكنار تحت السدرة .. وبصوتج العذب تقولين يكفي .. خلاص الشمس حارة أخاف النوم يعافك باليل

ويش أسوي إن لقيت محبوبي محموم ... وكيف أداري دمعي ولهفتي

يالله يا محبوب هذا طريج دارك يالله استريح

أنظر بعيوني لمعاني وجهك الحنون وأقول ... حاضر

وقلبي يتقطع يوم شفتج خايفة وتحاتين .. ألف خنجر بجسمي ولا أشوف دمعة بعينج

أكيد تذكريني وآنا أشيل الجنطة على ظهري الصغير وأمشي على تراب من ذهب .. أدري فيج إنتي من بعيييد تراقبيني وبقلبج تدعيلي

تذكرين يوم كنت أركض عالبحر وأجمع القواقع وكنت أسمع فيها همسج

يا فرحتي ويا هنا عيني يوم ملقاج بوقت الغروب .. تلاقيني بحضنج الدافي وقلبج الحنون

تذكرين العيد .. يا أحلى ما رأت عيني .. زاهية بثوبج .. وعذبة بكلامج

تذكرين يوم قلتلج .. ترى الناس غدارة .. قلتيلي ولا يهمك دامي معاك لا تشيل هم

تذكرين يوم قلتلج .. ترى الجذابين وايد .. وآنا ما أقدر عليهم .. قلتيلي ولا تهتم فيهم

تذكرين يوم قلتلج باعتزل الناس وبأحبس نفسي .. قلتيلي .. تعال بحضني ولا يهمك

إن دمعت عيني تتلقفيني من كل صوب .. وتمسحين دمعي بثوبج وتقولين النسيان نعمة للإنسان

دار الزمان والزمان دار وإنتي بعيوني أحلى وأغلى دانة

كبرت ..وبعدج على عهدج وآنا ما نسيتج .. يا عساني الموت إن نسيتج

ربيتيني وكبرتيني إنتي أمي وأبوي وكل الحبايب... يا كل ناسي وأحلى شئ بدنيتي

أحبج يا كويت وأمووووووووت وأحيا بأنفاسج

أحبج يا كويت

مستشفى للإبل

لفتة حلوة بالتبرع بمليون دينار لبناء مستشفى للإبل

سؤال: ليش مافي توجهات للمعاقين واحتياجاتهم ؟

ليش ناسينهم ؟

ليش محد معبرهم ؟

ليش محد يتكلم عنهم ؟

ليش مافي اهتمام فيهم ؟

كنت أتمنى التبرع لإنشاء مستشفى مجهز بأحدث الأجهزة لمعالجة ذوي الإحتياجات الخاصة

أتمنى أحد فيك من البلوغرزية يزور دور الرعاية إلي بصليبيخات ... وأبي تعليقه

أمانة أبي التعليق من كل قلب

وسلامتكم.....

نصائح وعبر

*)(* نصائح وعبر *)(*

********************

إذا استلمت مثل هذه الرسالة فهذا لأن هناك من يهتم بك , وأنت أيضا تهتم بالآخرين من حولك إذا كنت مشغول عن ارسال مثل هذه الرسائل الى أصدقائك وقلت لنفسك سوف أقوم بهذا لاحقا...الاحتمال الأكبر انك لن تقوم بهذا أبداعلى أي حال سواء كنت معتقد بضرورة هذا أم لا, أقرأ هذه الكلمات التالية وتأملها فربما تكون مفيدة لك في حياتك أعطي الناس أكثر مما يتوقعواعندما تقول أحبك فلا بد أن تعنيهاعندما تقول أنا آسف, أنظر لعيني الشخص الذي تكلمهلا تعبث أو تلهو أبدا بأحلام الآخرينحب بعمق وبصدقلا تعاقب أو تصدر حكما على الآخرين وفقا لما تسمعه عنهم فقط تكلم ببطءلكن فكر بسرعةاذا سألك أحدهم سؤالا لا ترغب في اجابته ابتسم واسأله : لماذا ترغب في معرفه الإجابة؟تذكر دائما, الطريق الى النجاح الكبير يتضمنه مخاطر كبيرةعندما تخسر لا بد أن تستفيد من خسارتك احترم ثلاث أشياءاحترم نفسك احترم الآخرين احترم تصرفانك وكن مسئولا عنهالا تترك أي سوء تفاهم ولو كان صغيرا يدمر الصداقة العظيمة عندما تدرك أنك اخطأ تقم بتصحيح ذلك مباشرةابتسم عندما ترد على الهاتف المتصل سوف يشعر بذلك في صوتك اقرأ ما بين الأسطر تذكر أنه في بعض الأحيان لا تنال ما تريد وربما تكون محظوظا في ذلك اذا وصلت الى نهاية الرسالة فأنت انسان مذهل وأتوقع منك ان تعمل بما فيها وترسلها لمن تحب

إكل ما تشتهي وإلبس ما يعجب الناس

ألوان ملابس الشتاء

بدا الشتا وبدت معا (حشا السامعين) لبس البواته "جمع بوت" والتنانير الميدي والشغلات الحلوة كأنه ننطر الشتا حق هالسوالف

لكن الشغلة إلي تتكرر كل سنة الألوان ... مكتوب علينا بكل موسم شتوي الألوان المحتومة إلي إهي: الأسود - البني - الرمادي هالثلاث أبراج ملزمين نلبسهم بكل موسم اشتا ...السوق غرقان منهم ... لكن آنا قمت وكسرت القاعدة ولبست برتقالي بس مو "نبيها خمس" لأ ....عندي آنا بغيتها عفسة ألوان ... لأني أول مرة ألبس هالدرجة .. أحس شكلي غلط .. بس بعدين أقلمت نفسي عالوضع وصار عادي ولا همني ..

لأني قررت آكل على ما أشتهي وألبس ما يعجبني

أصعب مافي الحياة

أصعب مافي الحياة إنك ما تلقى الشخص إلي يهتم فيك وخصوصا إذا الأهل معطينك طاااااااااااااااااااااف من قلب، والمشكلة مو هني .. بس ... إذا لقيت بحياتك انسان يهتم فيك ويراعيك .. وفجأة يختفي من حياتك بدون سابق انذار ولا مناقشة الموضوع ... بس بدون مقدمات تهقى (إنت إلي قاعد تقرا أو تقرين) شصير فيك..

مو ..... تكره الدنيا

مو ....... تعاف كل ما فيها

مو ...... تنحبط وودك تقعد ببيتكم وتسكت

مو .... الحياة مايصير لها طعم

أصلا تحس إن حياتك مالها قيمة ...

شهالحظ ... مافي ... اهتمام لا من أهل ولا من صديق ولا رفيج .. حظ تعبان

أعتقد ما في انسان ما مر بهالظروف ... إيه بس عاد مو مثلي بكل مرة ...والله حالة

أحيانا أقول مشكلتنا في المجتمع الكويتي ضعف العلاقات الإجتماعية .. ينقصها العاطفة الحقيقية إلي طالعة من القلب .. وصدقوني لو فيه بالبيت دفء مشاعر وملمومين على بعض وواحد يخاف ويشيل الثاني وأسراره كلها عنده جان محد من البنات وإلا الشباب طلع برة يدور على رفيج يشكيله والرفيج بالمقابل يهتم فيه ... مشكلة كبيرة ... بس منو يهتم؟؟؟؟؟؟؟؟؟؟؟؟؟؟؟؟؟؟؟؟؟!!!!!

New life

New life
h

ليش

ليش أحيانا ما أحب رفيجتي؟

ليش أحيانا أحب أعتزل الناس؟

ليش ساعات ما أطيق شخص عزيز علي؟

ليش ساعات أحقر أمي وأسوي نفسي نايمة؟

ليش ساعات أسئ الظن بالناس؟

ليش تنبط جبدونا من الجنة (زوجة الإبن)؟

ليش نحب التخشش والأسرار؟

ليش نتسرع بأحكامنا على الناس؟

ليش نتأفف ما عندنا طولة بال؟

ليش أحيانا أكره من ساعدني ؟

ليش دايما تكون نهاية المحبين مأساوية؟

ليش وليش وليش .. ليشات وايد بحياتنا بدون سبب مقنع

ليش دائما نظهر ما لا نضمر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أمور وايدة بالحياة نتصرف فيها من غير أن يكون لها معنى .. وسلامتكم

df

6akh 6ekh

6akh 6ekh

h

المعاقين وجانب من الحياة

المعاق وحياته في مجتمعنا

أرفض تسمية المعاق بهذا الإسم المفروض يكون الإسم (ذوي احتياجات خاصة) لأنه يحتاج إلى نوعية

خاصة من اجهزة أو مساعد ومعين يعينه على مواصلة حياته يعني له احتياج خاص بالحياة

خلونا نتكلم بصراحة عن واقع (ذوي الإحتياجات الخاصة) في المجتمع

أحيانا أتساءل المهرجانات إلي تصير بهذا الخصوص تلقى بعض المرضى صافين على حافتين الممر ومخلينهم يغنون بأغاني ترحيبية

للضيوف ... ليش تعرضونهم لهذا الموقف .. منظم الحفل سأل نفسه هل هالحركة هذي راح تفيد المرضى أو بترفع من معنوياتهم أو بتسويلهم شي مفيد .. هل سأل نفسه المرضى واعين لهدف هالحركة ... تلقاهم حافظين النص ويرددونه ... انزين ليش ؟ ليش تحطهم بهالموقف؟

تطلع برة تتمشى بالسوق أي سوق الحمدلله في مواقف خاصة لهذه الفئة من الناس لكن البعض من ليس له أحقية في مواقف السيارات إلي عليها علامة خاصة ترمز للإحتياجات الخاصة ... يقوم ويصفط مكانهم ... ليش؟؟؟؟؟

تروح جمعية أو سوق أو أي مكان .. أحيانا تصادف شخص على كرسي متحرك ... تلقى الناس تنصب عيونها على هالإنسان كأنه ما في أحد غيره بالمكان ونظرات التحسر والشفقة عليه وعلى شبابه... ليش؟؟؟؟ على فكرة وهذا شئ مهم يمكن هالشخص إلي قاعد على الكرسي أحسن بآلاف المرات من إلي قاعد يمشي على ريوله مو بالضرورة يكون الشكل أساس للحكم على الأشخاص... أرجو الإنتباه

أقولكم قصة صارت بالسوق تحديدا والله تعور القلب شخص (ذوي احتياجات خاصة) ماشي في أمان الله مع ربعه أثنين ... تحس فيه الحيوية والتفاؤل بعيونه (على حد قول الراوية وهي من أقارب هذا الشاب) المهم ... المسكين رايح يشتري حق والدته هدية بمناسبة عيد الأم مستانس وااايد لأن رجع يمشي بعد علاج طويل ومعاناة في صراع المرض إلا اللهم المشي على ريوله بمساعدة الحذاء الطبي ومعه العمود الحديد عشان يسند الريل وهذا حسب حالة المريض .. المهم وأهو واقف يشتري أغراض حق والدته يمه ولد صغير شاف الشاب وطريقة مشيته والجوتي إلي بريله شفيه يمشي جذيه؟ ردت الأم بكل عدم احساس: هذا ماسمع كلام أمه والله عاقبة بريله ... يعني تتخيلون شنو شعور الشاب المسكين بهاللحظة إلي رايح يشتري هدية حق والدته وفرحان إنه رجع يمشي ..ينصدم بشعوره بسبب جهل الناس وعدم الإحساس بالمسؤولية اتجاه هؤلاء الناس ... ترى الكلمة أحيانا تبني وأحيانا تهدم ... فلننتبه لكلماتنا

موقف آخر تدمي له القلوب .. الكرامة من حق كل انسان مهما .. كان ومهما حصل .. تشوف في بعض الأماكن شباب معاهم كروت صغيرة وورقة بيضاء مكتوب فيها الآتي:- صاحب الرسالة أصم وأبكم ساعده بشراء كرت من الكروت التي بحوزته .. وبعدين تفتح الكرت تلقى فيها تعليم لإشارات الذي يعانون من انعدام السمع والكلام ... ليش تعرضون كرامتهم لهذا الموقف .. أي واحد بيشتري منه عشان كسر خاطره .. وهذا عدي عن إلي يطرده أو ما يعطيه وجه ... وفرولهم عمل يحفظلهم كرامتهم ... يحس إنه انسان كريم العيش ... تلقاه بهالمواقف يحس بألم داخلي بس شلون يعبر عنه ... والكفة الثانية المسكين ملزم يسوي جذيه لأنه وراه أسرة وعيال .. والمشكلة إنه مبلغ زهيد مقابل كل كرت دينار واحد .. ليش الإستهانة بكرامة الناس؟؟؟؟؟؟؟؟؟؟؟؟؟؟؟؟؟؟

أتمنى من القارئ زيارة مبنى دور الرعاية بالصليبيخات ... أول شي الموقع بعيد صعب على كثير ناس يوصلوله بسرعة وخصوصا

ومعاهم أطفال أو عيالهم المرضى ... بسأل سؤال؟ يعني قلة أماكن! ليش مايكون بوسط الديرة عشان يكون سهل عالأهالي الروحة والردة مع عيالهم المرضى ... هذا شئ ... الشي الثاني ... المبنى قديم ومحتاج لتجديدات مو المفروض توفير جو ومناخ مناسب لهذه الفئة من الناس

بالنهاية أتمنى من من هم على منابر البرلمان أخذ قضية ذوي الإحتياجات الخاصة قضية حقيقية تحتاج للنظر فيها تحتاج للكثير والكثير من الإهتمام ترى في من هالناس مفكرين ودكاترة ومبدعين بس إحنا غافلين عنهم وتحس كأنهم في زاوية من زوايا الحياة لا أحد يعلم بهم شئ

وللحديث بقية