مع ازدياد معدل المعاكسات في المجمعات .. في الجمعيات .. في المطاعم .. في كل الأماكن العامةوزادت معاها الجرأة وتعدي الحدود بالضرب ... والترفس .. والكلام الخارج عن الذوق العام
تعتقدون شنو سبب المعاكسات؟
هل أهو .... فراغ؟
هل أهو .... تسلية وتضيع وقت؟
هل أهو ....راجع للتربية وفوضى داخل نفوس هالناس؟
هل أهو تداخل أساليب الحياة المتطورة وامكانية تعدي الخطوط الحمراء باستخدامها؟
مبالغة الإعلام والفضائيات الكثيرة إلي من غير رقابة؟
هل إهي الموضى والبهرجة؟
ومن هو المتسبب بذلك؟
هل اهو من الفتاة .. أم الصبي؟ .. أم الأثنين معا؟
وعلى من يلقى اللوم؟
وليش؟
وباعتقادك الأمر راح يزيد مع الأيام ومع توالي الأجيال؟
هل راح نوصل ليوم يكون فيه رادع حقيقي لهذه الأمور؟
أبي رايكم بصراحة
18 comments:
المغازل شي طبيعي
غريزة ان الريال يحب الحريم و الحريم يحبون الرياجيل
المو طبيعي اهو الوقاحة او التمادي بالمغازل
يعني البنت ما تبيك و لا ملقيتك ويه بس انت تستمر عبالك عمر الشريف
والله ضحكتينى
المغازل ظاهرة؟؟؟
خلاص يبه تعدينا هالمرحلة
تعرفين الممثل المصرى يقول
كل ضرب ضرب ما فيش شتيمة
يا بابا احنا وصلنا الحين مرحلة يكلمها الحين بعد ساعة وياه بالسيارة؟
وحللى الاسباب
وايدة؟؟؟؟؟؟
العيون مو بريئة
النظرة مو عاطفية حيوانية
غريزة تحرك الشاب والبنت
walaah makoo al3ayb bel kel alnaas ta3'ayaraw
almoshkelaa makoo e7dood nafs magaal kila ma6goog loo alwa7ed ey3arf e7doodaa chan alkel ertaa7 bs almoshkelaa alshabaab mayen3a6oon waih oo albanaat kelaa 7agrean alwa7ed 7etaa lo 3ajebhom faa yeg3ad ey7en oo eydoor mayadree albent tabeah welaa tetgalaa;) loo alwa7ed ey3arf sheno yabee chan en7alt kel almashakel ;)
مطقوق
ههههههه حلوة الرياجيل
آنا معاك إهي مسألة ميل طبيعي
لكن توصل لمد الإيد والضرب .. وااااايد قوية
آنا قريت الخبر بجريد الراي صفحة ضيقة الخلق اليومي(الصفحة الأخيرة).. يتني حالة احباطيشن وقمت أسأل ليش الأمور وصلت لهالدرجة
حتى اليهال النزق قاموا يغازلون
إلي يعيش ياما يشوف
مشاري
بس الواحد لازم يسوي كونترول على غريزته
مو معقول الواحد يمشي وغريزته إهي الآمر
وبعدين ديننا حط حل للغريزة إلي إهو الزواج لكن البعض للأسف يقول بعيش حياته وحريته وبعدين يتزوج ولاحقين عالمسؤولية والبيت والعيال
في ناس نظرتهم بهالشكل وفي ناس يفكر يعف نفسه بالزواج
لاحظ الآن انتشر سن الزيجات الصغار .. آنا أأيده حيل لأنه حافظ لكلا الطرفين
واستقرار
cosimfree911
آنا متفقة معاكم إنه شي طبيعي
بس المشكلة إنه في ناس تزيد العيار حبتين وتترتب عليه مشاكل أكبر
مشكلة لابد يكون لها حل من الجذور
كل الأسباب المذكورة صحيحة
وهي واقع فعلا
وبعد اللي ياي أكثر
وأضيف شغلة بعد
وهي المفاخرة
يعني الشاب يفتخر إن عنده رفيجة خاصة
ونفس الشي البنت تفاخر إن عندها رفيج خاص
ودمتم
المعاكسات موجوده من زمان واايد
لكنه مع مرور الوقت بزدياد ملحوظ وبطريقه مقززه احيانا
طبعا هذي التصرفات لها اسباب عديده ومتفرعه بشكل معقد
وهذي الاسباب تختلف من شخص لثاني
لكن بالمجمل ،، انا اشوف ان الشباب بمجتمعنا يعانون من ضياع الشخصيه
يعني اكثر الشباب صار همه الوحيد اهو هذا الشي المغازل
والغير فرند
والبنات بالمقابل نفس الشي تسوي كل شي علشان تلفت نظر الشباب وتحس بمتعه كبيره لما يعاكسونها
وهذا التصرفات دليل واضح على ضياع الشخصيه الحقيقيه لللإنسان
والركض ورا الرغبات المريضه اللى ماتودي الا لدرب الهلاك 0
الله يستر على الجميع انشاء الله
موضوع جميل
شكرا لج
السبب مو بس فراغ الوقت
فراغ العقل
وفراغ العاطفة بعد
أنا أتوقع من أوّل
كانت الأسباب عاطفية
ما تتعدى كذا
عالأقل من طرف البنت
أمّا اللي الحين
لا همهم لا عاطفة ولا شي
أصلاً الولد يعاكس
والبنت تستمع بمعاكسته
كون أنها حصلت على إعجابه
يعني البراءة والحياة انمحوا من الوجود
وأنا ما أدري ليه أحس دور العائلة والتربية شوّي محدود
لأن والله تلقين ناس تاعبين في عيالهم
وبعدين
شوفيهم من ورا أيش يسوون؟
تدرين ،، يمكن الإعلام والفضائيات
سهّلت هذا الشيء وخلته عادة وشي طبيعي
والله يهدي الجميع
sologa-bologa
كل ما أقرا اسمك أتذكر الآتي
سلوقا بلوقا باروح النبيار
سلوقا بلوقا باروح النيبار
بييب حق اخواني على غتر غتر
فكرة الإسم حلوة
إنيي حق الموضوع الأساس
فعلا مثل ما ذكرت الشباب والبنات يعتبرون هالمسألة فخر فيما بينهم وأيضا يتفاخرون بالعدد وكثرته
لكن في شي محيرني بالله الصبي إيييله يوم يتزوج وتعبتر هذي تجارب وطيش مراهقين وطبعا أشياء راجعة لمجتمعنا دايما يعذر الريال
لكن البنت ... بعد الزواج إذا صدفها البوي فريند بالسوق بالجمعية بأي مكان ويكون معاها زوجها... شلون بتحس بداخلها ياهل ترى بتخاف .. وإلا ضميرها بأنبها وإلا شنو؟ خطر والله
وعلى فكرة تحصل ... ياما تهدمت بيوت من ورا هالسالفة
والسبب الأساس المغازل والعوم مع تياره
الله يهديهم
7osen
أصلا المغازل صار فن من الفنون
شخصية الشباب ضايعة لأن مافي توجيه سليم وطاقتهم المخزونة يفرغونها بأشياء صغيرة أو تكاد لا يكون لها الأثر الصح في حياتهم والسبب يعود إلى أكثر من شي
الفضائيات والبرامج والكليبات الفاضحة
البلوتوث ومقاطعه إلي (بدون تعليق) الشباب صار عليهم ضغط كبير محتاجين أحد يوجههم ..ويوعيهم نلاحظ بهالأيام كثرة الموضى واهتمامهم بالتسريحات والشعر واللوك اليديد
إلي أقصده أصبح هناك تبديل باسلوب غير مباشر لأفكار الشباب بمعنى المؤثرات الخارجيةأقوى منهم شالت أفكارهم البناءة وحطوا محلها أفكار تافهة واهتمامات يضيع وقتهم فيها
والبنات نفس الحالة التقليد الأعمى للشخصيات والموضات كي تظهر بشكل حلو أما الطرف اللآخر
الإهتمام بالمظهر شي حلو وجميل لكن المبالغة وصب الإهتمام على هالموضوع .. شي زايد عن حده
القصد أصبح تغيير لإتجاه أفكار الشباب
آنا ما أنسى هالمقولة إلي ذكرها أحد الساسة الأوربيين من زمان من قبل الغزو قريتها وليلحين ذاكرتها لأنها مأثرة فيني يقول فيها: كأس وغانية يوديان بالأمة المحمدية
لذلك التركيز كله عالشباب لأنهم أهم الثروة الحقيقية
ساعات أقول إنهم مساكين بداخلهم ضياع وشتات .. محتاجين أحد يمسك إيدهم ويدليهم الطريج الصح
ميامي
الأهل طبعا لهم دور .. ودور كبير بعد
لكن في شئ توصلت له إنه الأهل يربون ويوجهون لكن الإختيار بإيد الأبناء
أصبحنا في زمن الأبناء لهم الكلمة الأولى والأخيرة ... مو مثل أيام قبل الأبو وإلا الأم لما يقولون ببببببببس
الكل سكت لو تقطين ابرة بحوش البيت تسمعين صوتها وإنتي بداخل البيت .. ألحين صار عادي البنية والصبي يتجرأون بالكلام ويتعدون الحدود
أما بالنسبة للفراغ العاطفي والعقلي وفراغ الوقت
سببه التلفزيون والبلوتوث وغيره من الوسائل إلي تسهل الحصول على أمور تثير الشباب ..فغيرت لهم الصور واختلف مسار واتجاه طريجهم
فصاروا مع المعمعة إضافة إلى أن عودهم أخضر مايقدرون يقاومون التيار ... ترى أقوى منهم
آنا أقول الشباب عليهم لود كبير محتاجين موجه
الله يهديهم ويصلح حالهم
حلاااااااااااااات اليهال ايننون ياربي يختي عليهم .. انه المغازل ينتهي ماتوقع .. لانه المشكله الحين انه حتى اللي اعمارهم 9 و 10 ان كانو بنات او صبيان قاعدين يغازلون ويسون حركات اذا كانت بتروح هالظاهرة اتوقع مو بالعقد الحالي لوول
خل اقولج شى
الاثنين اهم السبب
والله لمن اشوف الشباب
شلون يتحرشون انقهر وايد يينى شعور ابى ازف بس طبعا ما اقدر
تدرين ليش تنقهرين لنج محترمه عمرج وماشيه في طريج وتحصلين التعلقات اللى والله تلوع الجبد
وصار ان ما عطتهم ويي
يحولوا على اللى جدمج بالمجمع
او اللى يمج في السياره
يعنى اشكره اللى قاعد يقولج قاله حق الف وحده غيرج وبعدج
اما البنات لوووووول فا للاسف صار شى يفشل
ضحك ...ولا واهى اللى تبدي في التغزل
الله يستر علهم انشاالله
سيدتي الحمراء
المغازل مشكلة أبدية .. لكن نبيها تخف .. بس ماكو فايدة .. أساليبها تزيد عن الحد يوم بعد يوم
صج كلامج .. حتى النتف ... كل واحد شطولة نتيفة ونزقة .. يغازلون وكلامكم كبير
آنا صارلي موقف عند الجمعية.. صافطة بالمواقف وعقب ما خلصت شغلتي طلعت وإلا ألقى يهالو .. 7 ..8 سنين قاعدين على دبة سيارتي وواحد عالرصيف الجانبي
آنا مجبلة وطلعت السويج جان واحد يقول حق رفيجه: قوم .. ما تشوف البنية عيونها تتطاير علينا معصبة .. ليش قاعدين على سيارتها
طبعا آنا ساكتة ولا كلمة .. دخلت السيارة وقفلت البيبان
وشغلت وبرجع عشان بطلع من الموقف ... حسيت بشي تحت التاير وإلا الياهل إلي عالرصيف يصرخ ... آي ...آي آي آي تراج عورتي ريلي مثل ما عورتي قلبي.. بالله عليج هذا كلام يهال نتف
أثرى شمسوي! حاط .. (حشاج وللجميع) جوتيه تحت التاير .. قولي من وين يتله الفكرة! ... والله اليهال صايرين ملاعين
عقبها حرمت أروح هالجمعية
بهالوقت الواحد يشوف العجايب
سنعة
ماقاموا يفرقون .. قاموا يخلطون الزين بالشين
لكن آنا عندي رأي آخر .. إلي أهو
أعتقد الشاب إذا شاف وحدة ماشية باحترامها ورزانتها .. ما أعتقد بيتعرض لها .. وفي حال تعرض لها .. لسبب إنها ماشية بروحها من دواعي القوة .. إلي انفطر عليها الرجل
لكن بكل الأحوال آنا أشوف الشاب ما يتعرض للبنية إلي ماشية بإحترامها
البنات إلي يغازلون للأسف موجودين بنسبة تذكر .. للأسف الشديد .. وأصبح لهم شغل شاغل وتباهي
وشي ثاني .. أعتقد الملابس لها دور كبير في هذا الموضوع .. المجمعات أصبح روادها من الجنس الناعم .. يعروض أحدث صرعات الموضة والمكياج والشعر ... ف الشاب بيشوف جذيه أكيد بيتعرض لطريج البنات أهم أثنينهم ملامين .. لكن في كل الأمور .. من الأول ومنو البادي
ما نقول إلا الله يصلح الحال
بصراحه انا ماعندي تعليق بس بصراحه استمتعت بطريقة طرح المشكله واستمتعت ايضا بالتعليقات وتحليل الموضوع
براك
أشكرك على هذا الإطراء
يكفينا زيارتك ومرورك
شكرا
Post a Comment