من أربعة أيام وآنا منبطة جبدي من كل شي .. لله الحمد ... وأولهم وحدتي إلي اختربت بوقت غير مناسب
وعلى مراحل .. مرة هوا حار .. مرة صوت من غير هوا .. بدعت العزيزة الغالية
يه الفني وأخذها على أساس إنهم بيصلحونها .. راحت الحبيبة وما رجعت
الله يهديهم ... طولوها .. لأن عندهم ضغط
قلت حق أمي خنشتري وحدة يديدة مت من الحر
جان تقولي: تصليحها بسيط .. نطري شوية .. وإذا إنتي حرانة .. نزلي بالصالة نامي
آنا: لا من قال إني .. حرانة! .. أصلا أخسي .. أقول آنا حرانة
قلت بنطر وأمري لله .. وأمشي بشور أمي .. لكن من غير النومة تحت
لأني أحب غرفتي ولا أقدر أنام في غيرها .. أحس إني مو نايمة
قاعد أروح الدوام دايخة وبعيوني النوم
أمي: قلنالج نامي بالصالة منتي راضية
جان أقول: يمة تدرين فيني أحب أنام والتلفزيون شغال .. فيلم عاطفي .. وجوه حلوة .. ابتسامة رقيقة
تبيني أسهر على راس غليص مع عجايفه ودماء تحت الأنقاض
لا لا لا مو قبول
ليش ما حطيتوا شوتايم تحت؟
أمي: نزلي وايراتج والريسيفر مالج وركبيهم بالصالة
رديت: أوللللا .. يمة مالي خلق .. خلاص خلاص خليني بالحر أحسن
طبعا من الفشلة وقصة الوجه جدام أمي قلتلها مالي خلق .. أتحمل .. الله يعافي وحدة الممر إييني منها طشار
وأيضا الدريشة المبطلة
إلي يوم بطلتها تسلطوا القطاوة هواش ونجرة .. طول الأيام ما أسمع صوتهم إلا هاليوم
بس بعدين .. الحر زاد .. وآنا بعد يالله خير أشكي من معدتي
مع الحر .. حسيت إن معدتي قاعد تطبخ من داخل .. وراسي قام يغلي
استسلمت للأمر الواقع وشلت شلايلي مخدتي وفراشي إلى الصالة .. وإسقاط عالنوم
أتقلب يمين ... يسار .. ماكو فايدة ماني قادرة أنام مع إنه برااااااد
ظهري تكسر من النومة عالأرض .. وأيضا للمرة الثانية أشيل شلايلي وأصعد غرفتي
وطبعا طارت النومة من عيني .. وبالطبع التفكير شغال
وقمت أقول حق نفسي .. بسج تفكير .. خلاص
وللليييين .. ليش إتيي على بالي .. بسسسسسسسسسس
خلاااااااااااص
أبي أغالط قلبي .. وأسلم لعقلي ... لكني مو قادرة
غصبت نفسي .. إني أفكر بشي آخر .. أي شي
لأني تعبت من التفكير .. أبي أنسى ... بليز الرحمة
جان إتييني أفكار جنونية
قلت .. لو إنه السيارات مصنوعة من الجلي جان شصير؟
وييه عاد ... إذا باص وبيلف .. مسكين يترطرط عند اللفة
فكرت لو إنه الأثاث من حلاو وككاو .. أمبيه بالحر يموع .. بس لذيذ
فكرت .. الواحد ليش مايقدر يترس غرفته ماي وتصير حوض سباحة؟
وبس يخلص .. يفج الباب ويطلع الماي ويرد أثاثه مكانه .. وخلصنا
عالأقل بالغرفة أمان .. مو مهددين بالتصوير البلوتوثي
فكرت لو الموبايلات من برد .. عشان الواحد بس ينقهر يحط حرته فيه وياكله
أوفييييييه شكثر أحب البرد غرامي
وأيضا فكرت .. ليش الواحد ما يقدر يقص شعره طويل؟
أروح الصالون .. وأقول حق الصالونجية قصيلي شعري طويل .. الله وناسة
يتني فكرة لو إنه نشرب ماي ملون وعلى حسب لون الماي يتغير لون عيوننا
زين والله .. نكشخ مع ألوان البدلات .. لا عدسات ولا غيره
لاحظوا كل الأفكار إتييب البرودة .. مو مني والله .. من الحر
34 comments:
شنو هالافكار شنو هالابداع
انت من صجج؟؟؟!!!
كل هذا وانت بغرفتج
انت متاكده انه عقلج ما ذاب
الفيوزات ما طقت
كل شي بمكانه
اليوم لا مو اليوم الحين تدقين على الفني اييب الوحده ولا اقولج اشتري وحده جديده وانا ادفع
ليش معاقبه عمرج ليش هالانتحار البطيء
حرام
والله
حرام
ارحموا من في الارض يرحمكم من في السماء
ملاحظه اخيره :
تعالي عندي اذا ما شالج السرير تشيلج عيوني
كونفلكت اوف انترست
نو كومنت
عجبتني فكره الماي الملون اتخيل نفسي اشرب الماي الملون وشوي شوي يطفح الماي بعيوني وبعدين لون شعري يتغير شوي شوي
cool walla :P
لوووووووووووووووووووووووووول
بدعتيييييييييي
الله يعينج صراحة أنا لو شنوووووو ما أنام بالحر
لااااااا و قطاوة يتناجرون بعد
اوووووووو لا يحوشج
انا بعد نفسج يتسلطون علي
الظاهر لما تصير الوحدة شغالة صوتها يغطي على العالم الخارجي
هههههههه
بس ضحكتيني على سالفة
تبيني أسهر على راس غليص مع عجايفه ودماء تحت الأنقاض
لوووووووووووول
انزين جان نمتي فوق السطح؟
شفيييييه السطح أصلا هذا وقته برااااد و من أحلا ما يكون
بس أفكارج تدل على ان صججججج مخج انصهر من الحر
بس يازتلي قصي شعري طويل
ههههههههه
و الماي الملون
لوووووول
بصراحه حاسه بمعاناتج لان نفس الحاله مرت علي .. الله وكيلج انا صارلي اسبوعين جذي مرت على ثلاث فنيين وكل واحد يقولي فيها مرض شكل مسكينه هالوحده مابقى عمليه ماسووها لهاا اخر شي قالولي طلع فيها الزايده
هههههههههههههههههههههههه
الله يعينج
يه يه يه
شهالافكار العجيبة الغريبة
عاد تصدقين ودي اقص شعري طويل
وحمام السباحة وايد عجبني خوش فكرة
magnoonah
هذا مو انتحار هذا اسمه اخلاص
عندي عيب شرعي بصفة الإخلاص
تذكرين أيام المتوسطة لما هبينا بالمفكرات إللي لهم ريحة فواكه وأوراقهم ملونة والبنات يكتبون لنا ذكرى
تذكرين هالعبارة
أكتب لك بالرصاص لتدوم المحبة بالإخلاص
عاد هالعبارة بالذات يقصدوني آنا
ههههه
كل شي أملكه ما أحب أتخلى عنه
مثل ما عطاني أعطيه
غرفتي تحملت مني وايد .. أنوقل بهالأثاث وأغير مكانه
وأغير صبغها .. يعني كل يوم أسويلها نيو لوك
غرفتي أحبها فما أقدر أتخلى عنها
يا أثنينا نعيش ببراد .. يا أثنينا نموت من الحر
تسلملي عيونج يا رب
مشكورة حياتي
مطقوق
صار شعاري هالمقولة
عيش حياتك
حر .. برد ..رطوبة .. غبار
عادي
I'm telling my self: It's not a big deal just keep walking
اعررررررررف هذا الشعووووووور
و يقولون لازم راح انتعود عليه هالسنه بيقطعوووووون الكهرباااا بالقيظ
!!!!!
الله يعيييييييييييينج
فكري في افكار حلوه
انتي في بهامسسس
او ويا كاري في سكس اند سيتي في منهاااااتن شي جذي
نسيت اقولج
انا لوووير
بس مدري ليش ماني قادره ادش باسمي
لوير
Purple
هلا بقلبي هلا
ولا عاد إذا كان عتاوية وكل واحد راسه شكبره وسمعي النجرة
واااااي
بذمتج مو معاي حق؟ الواحد ينام وأهو شايف ويه حلو .. كلمة حلوة .. نهاية سعيدة
مو طق مطاقق وثارات ونحشات .. شي يضيق الخلق
مومستعدة أنام ضايق خلق
هااه السطح .. والله خوش فكرة .. أجربها
انصهار كلي
إتيين نروح نقص شعورنا طويل؟
Tekana
آسفة .. ما أسلف ماي ملون
هذا العرض احتكاري .. حصري .. ألماسي
والله خوش فكرة .. مالت الشعر
دوزنتيها عدل
رهف
عادي .. تعودت عالحر
أصبح صديقي المفضل
أصلا .. قمت أناجيه بالليل
من كثر ماهو لصيق فيني
يالله ماعليه .. هانت انشالله
راح الجثير .. مابقى إلا الجليل
مشكورة ياوخيتي
رهوفة .. أشكرج عالزيارة الأولى
أسعدتيني
mamloo7a q8ia
ملح الدنيا كله .. إنتي
الزين والحلا ياخذ منج
إيه شعبالج .. آنا خطييييرة
بس محد مقدر مواهبي
لي مستقبل واعد .. انتظروني
حمام السباحة .. شغل عدل
عالأقل أقرب
قص الشعر .. الله جان زين صج .. عشان على كيفي
يوم طويل .. يوم قصير .. يوم نص ونص وناسة
lawyer
آآآآآآه شعور ناري حراري
يالله .. تهون انشالله
إذا بيقطعون الكهربا .. حشر مع الناس عيد .. بس انشالله لأ .. الصراحة تجربة قاسية ... وآنا رقيقة ماقدر على هالأشياء
بس لوير مع هالإقتراحات .. راح أموت حر زود
لحظة ... جني بغير رايي
أهو حر حر .. بعد بالمرة
لولو .. شفيج أكاونتج
عسى ماشر
خاف الجهاز .. قام يخوره غيريه وجربي
:/
الأفكار كلها مرتبطة بالحر
بس عجبني سيارات من جلي
والباص اللي يترطرط عند اللفة
مت من الضحك
بس على الأقل ماراح يكون في حوادث
حدج ان دعمتي سيارتج
تترقص وانتي تنخضين داخلها
ههههههههههههه
نون النساء
إيه وناسة .. والألوان والنكهات .. يكفي الريحة .. إلي تهف يمج .. الفاكهة والليمون والبرتقال والذي منه
مو دخنة وبنزين وقاز
الحمدلله ياربي عالنعمة
بس شرايج مو فكرة جهنمية؟
آنا وين ملوت الإقتصاد عني .. أنفعهم
عالأقل يوفرون مصاريف حديد وفرش وألوان
الحر والله يسوى شغل :)
بس الصراحة انا ما اقدر اعيش بالحر
انقمت وتحوشنى حكة صج الله يعينا اذا انقطعت الكهرباء بالصيف
انا انصح انه تشوفين طبيب نفسي حاااالا :P
نايس بلوق
مشاري
إيه شفت شلون .. شغل عدل مدل
واي لأ بليز ما أقدر الكهربا مكتوعة بالسيف .. لأ لأ كلش ما أقدر
عفية قولولهم .. ترى في وحدة رقيقة ما تتحمل .. لا تكتعون الكهربا
انشالله مايقطعونها
وإذا الله لا يقول .. انقطعت .. ماعليك .. آنا راح أحذف عليك دواء الحجة
لا تشيل هم
common_sense
إش له عوار القلب هذا كله .. طبيبي مني وفيني
الحر .. هدوء لا صوت وحدة تحن عالراس وسكتة مو طبيعية فالواحد يقدر يتكلم ويعبر
أشكرك عالزيارة الأولى
وأقين أشكرك عالإطراء
شعر
شعري
اقص شعري
هالكلمات مادري وين سامعها
احنا علاقتنا بالشعر انتهت من زمان
يابختكم
براك
هذا الحب وما يسوي
الظاهر الحالة إلي عندك حب شلاعي
دير بالك منه مضر للصحة
واااى بعد عمرى
ههههههههه
برروحه الحر اييب العساره
والنرفزه
لوول
موتينى ضحك
بس وناسه ابى اقص شعرى انا بعد طويل
بس ما اتحمله
طويل يعنى زياده حر وياينه صيف
كلش مو مال
هههههه
كاريزما
عفية كروزتي إذا لقيتي صالون يقصون الشعر طويل
أبي
مو مشكلة انشالله المهفة إلي لونها بنفسجي وبيج وأخضر تنقذنا في مثل هذه الأوقات
تذكرينها
اعجبتني افكارك الجهنمية اللي طلعت بارتفاع درجة الحرارة
احلى افكارك كانت حوض السباحة
فكرة جدا سهلة
استمتعت بزيارتي الاولى لمدونتك
لوووووول عجبتني هالفكره والله ;p
إنه نشرب ماي ملون وعلى حسب لون الماي يتغير لون عيونه ..
جد جد وناسه لو يصير ;")
almaaaaaaaaaaaaaaaaaaaaaaaas
loooooooooooooooooooooooooooool
شنو هذا !!!!؛
ما سوت عليج وحدة تخترب
ههههههه
ههههههه
عجبتني فكرة
اآيس كريم
و إذا إللي تكلمينه مكالمته حلوة و ذاب الآيس كريم و إنتي لما الحين ما شبعتي؟؟
ههههههه
لحظة والله فكرة مالت العدسات و أقص طويل
ههههههههههههههه
هههههههههههههههه
وااااي خف طينه إنتي
وانا في منتصف الموضوع وبالتحديد عند تخيلاتك وافكارك قلت مسكينه كل افكارها وتخيلاتها في اشياء تبرد .. ما وصلت الى السطر الأخير الا اجدك تقولين نفس الكلمة :)
جميل الموضوع
الوجد
يا هلا وغلا
فكرة غرفة السباحة .. أقصد حوض السباحة
فكرة شقاقية حوضنا منا وفينا
هذي أفكار الحر بس .. أما أفكار الرطوبة .. شي ثاااااااني
حياج الله حبيبتي هذي الساعة المباركة
مشكورة عالزيارة الأولى ولا تقاطعين
دانة
مو أحسن من كل يوم رايحين شارين عدسات يديدة
وأحيانا زينة ومرات وايدة تقزز العين وتعورها
الماي الملون ... جان زين في تقنية تخترع هالشي وتكون للبنات فقط .. فقط .. فقط
داناتي أسعدتيني بهالطلة
ريما
شفتي .. طلعت الأفكار بالحر .. وعالغبار تتغير .. وبالمطر إتبدل
موبايل الآيس كريم: آنا أبي بالمكسرات وصوص الكراميل
لذيذ لذاذة عجيبة
العدسات .. أتمنى الماي الملون يكون صج
راح أحتكر كل الألوان .. وكل شوي أغير حسب المود واللوك
مشكوووووورة حياتي أخجلتم تواضعي
عبدالله
يا أحلى الأسامي
خير الأسماء ما عبد وما حمد
شفت يا خوي هذي سوات الحر .. إلي زرزر أفكاري
شكرا عالإطراء
أشكرك عالزيارة الأولى
والله الحر يسوي شغل خلاج تطلعين افكار فكاهية خصوصا الباص الي يترطرط يس انا اعتقد انج كنتي يوعانة مو حرانة
بس ضحكت وشكرا لج لانج ضحكتيني
كادي
أتمنى السيارات من جلي .. حده وناسة
بس مشكلة إذا بنص الطريج الواحد ياع
تهقين شسوي الواحد؟
ياكل له كرسي أو الكشن الوراني
يالله ماعليه يطبخهم مرة ثانية
أشكر لج زيارتج الأولى
وعسى دوم الضحكة ما تفارقج آمين يا رب
Post a Comment