الحياة مستمرة

من يومين وتحديدا يوم الزوارة كنا نتكلم عن الأكلات القديمة وأيام قبل

فطبعا آنا شديت حيلي بهالموضوع وخصوصا آنا أحب الرجوع إلى ذكريات الماضي

وقلت : الله يا حلات خبز رقاق يا سلاااااااااام عجيب أول ما ينشال من التاوة حاااار

وخصوصا لما تكون مقاديره زايده فيصير فيه طعم حلات .... الله لذييييييذ

المهم تطوعت بنت خالي وقالتلي: لج علي أسويلج أحلى خبز رقاق

آنا قلت: أوكي

وحددت صباح يوم الأحد إلي أهو أمس للروحة حق بيت الخال مساءا

طبعا تحمست .. ويمعة أهل .. ووناسة

مريت على مركز سلطان أشتري حلو حق العشا كيكهم الإسفنجي عجييييييب وايد مميز عندهم

وبما إنه عالبحر .. قلت خناخذ طريج البحر وألف فوق تحت عشان أدش على منطقة الشعب

منها أمتع ناظري بمنظر البحر وأروح عن نفسي

ومنها الطريج سالك لاهو أربعا ولا خميس ولا جمعة .. يعني ماكو زحمة عطلة

طلعت عالبحر واتغلقصت بالزحمة واتوهقت ساعتين والسير واقف

وكل شوي بيت خالي يدقون علي يالله ويييينج

يالله يعوتينا

وأتعذر بالزحمة

وأمي من صوب: يالله .. تأخرتي عليهم

آنا: يمااااا الشارع زحمة

وطبعا الموضوع ما يخلى من مقالب ولد خالي

يالله العشا طاح ترى

المرة الثانية

ترى بنشيل قشنا

المرة الثالثة

ترى الكل أخذ مكانه

آنا: لااااااااأ ... حل مكاااااني ... عفية

يالله .. حل .. حل .. ماوصيك مكاني المعهود

والله يسلمكم وصلت بيت الخال الساعة العاشرة والنصف بالتمام والكمال

كله بسبة زحمة طريج البحر

دشيت الحديقة وإلا ألقاهم مبسطين وبنت خالي ناطرتني عشان تسوي الخبز

والهريس واليريش ينادي

والنخي والباجلا والآش بالمسخنات .. طبعا آنا ما تغديت عشان أخش عالعشا ف ريحتهم

سوت العماايل .. من اليوع مو مني

والصوب الثاني قاعد يشوون

بصراحة فرحني هالمنظر .. وخصوصا كان من غير ترتيب ليوم أو ساعة

كل شي تحضر بنفس اليوم

استمتعت في هذا اليوم ضحك .. غشمرة .. أناسة

وفي لحظة من اللحظات سرحت قليلا بأمور الحياة واسترجعت بعضها

ووصلت إلى حقيقة وهي

أن الحياة فيها ألوان وايدة

وإن تغيرت وأصبحت باللونين الأبيض والأسود

لابد من وجود درجات الغامج والفاتح

بمعنى نحن من نلونها ونتقن درجات ألوانها

الفن بالإتقان

الحياة حلوة طالت أو قصرت ومستمرة .. والتفاعل فيها واجب

وإن بغى الإنسان يعيش لازم يعيشها بكل عناصرها

والإستمتاع فيها ليس بعدد السنين إنما بكيفية استثمارها

ووقفت وقفة عند نصائح الأخوة والأخوات في البوست إلي طاف

وأخص بالذكر

كروزتي الحبيبة .. Charisma

وسالفة قلب .. الغالية

وفراولة .. قارورة العسل

والثنائي العزيز

الأخ Hamdool

والأخ مناف

وجميع الأخوة والأخوات إلي آزروني ومدوني بكلامهم الطيب ومشاركتهم لي

مشكورين وماقصرتوا

والله لا يحرمني منكم

وبمناسبة اسبوع الصداقة أقدم لكم الوصلة إلي تحت

أهديها للجميع

It's National Friendship Week

That's just a cartoon OK, don't get serious about it

Show your friends how much you care

All of you are my BEST FRIENDS & I am honored

HAPPY FRIENDSHIP WEEK TO ALL