وداعا يوم الخميس
الخميس يوم عشنا معاه أجمل أيام حياتنا من منتصف الثمانينات .. حتى يومنا هذا
الخميس وما أدراك ما الخميس
الخميس يعنــــــــــي
سهرات ... ووناسة
نوم ليه الظهر
بر ... كشتات .. بحر طلعات
زواج ... عروس
سفر .. سوقة
مطاعم ... سينمات
الخيران .. شاليهات ... منتزهات
حداق ... قنص ... مخيمات ... شوي ... سباقات
يمعة ... زوارت
مبارايات ... صالونات ... حلاقين
غدا برة .. عشا وسهرة
أحلى مكالمات حب .. ربح للوطنية والإتصالات ... وأحلى هدايا
وأحلى نومة ... وأحلى قومة
الخميس
يعني لقاء الخميس ... وكل خميس وبس
الخميس يعني فوازير سمير غانم وفطوطة
الخميس
فستق وحب ... كنار ... برحي ... قهوة ... سمبوسة وفطاير ... لقيمات وصب القفشة
الخميس
سوالف خاثرة .. حش وقراض شاي ... بلعة ووزن زاااااااايد
وهم يوم الخميس يعني
بدالة المطاعم تشتغل .. وطلبات التوصيل رايحة رادة
الله يا الدنيا كل هذا وأكثر يا يوم الخميس شكثر بنفقدك وبتصير يوم الجمعة
وياك يوم السبت واليوم انتودد لكم .. بعد ما كنا نكرهكم
فعلا
لو دامت لغيرك .. ما اتصلت إليك
19 comments:
شدعوة في أحد بيداوم؟
ما اعتقد كل اللي قلتيه يتغير
الخميس خميس رغم انف الحاقدين
أول شي وأدري متأخرة لكن الظروف حكمت
مبروك وكل عام وانتم بخير والمدونة بصحة واستمرار
ثانيا
جدول الخميس يتحول اليمعة أحسن
خصوصا إن اللي عنده سهرة الخميس مايمديه
يقعد حق صلاة اليمعة
فتحويل السهرات إلى يوم اليمعة
أوقع
:)
بس ضحكتني سالفة الكنار
:)
اشمعنى الكنار يعني
ودمتم بحب وود
مساالورد والجوري
غاليتي
احلي الماسة
ودي اقول شي بس خلقي ضايق علي هالقرار
):
الله يعينا علي الزحمة
تحياتي لك
يالغالية
:)
اى والله نكهة الخميس بتروح ويصير حاله حال باجي الايام.. انشالله عقب هالقرار تصير الكويت دولة اقتصاديه ونصك على دبي:P
الخميس نذبح إبليس بعد
الحين أكو واحد فيكم يقدر يقول لي
متى بنذبحه!؟.. واليمعه نذبح إبليس!؟
والله ما ترهم
;p
للتنويه: فوازير فطوطه كانت تنحط
برمضان بشكل يومي مو بس الخميس
يا يوم الخميس
شكثر بنفقدك وبتصير
يوم الجمعة
this is funny ;p
مااااااااا احب القرار هذاا
ابي الخمييييس
:(
لووول بس حبيت الفستق الو الحب
salamz sweetee...
ضيقتي خلقي و عورتي قلبي
والله دمعت عيني وانا اقرا البوست
يوم الخميس
وما ادراط ما الخميس
احلى ايام الاسبوع
واليوم اللي انتظره بشغف دائما
ليش
مجرد انه خميس
ماحب يوم اليمعة ولا احب السبت
ابي الخميس يكون عطلة
===
كل عام وبمدونتج بالف خير
ولو انها متأخرة
امتعتينا بصراحة
واي قلبي عورني
خنقتني العبره
حسيت ابي الم الخميس
واحب راسه
واقوله لا تضيق خلقك
رايتك بيضه ماقصرت ويانا
:((
يبيلنا مده عشان نتعود
قوووووووووة
تأخرت عليكم بالرد
لسبب إني برد عليكم بأخر خميس
حبايبي
مطقوق
حيالله مطقوق
يمكن أولها محد بيداوم .. بس بعدين بيداومون وبيلتزمون
بهذي آنا معاك الخميس له نكهة خاصة
الخميس خميس
لوقا بولوقا
وانت بخير وصحة وعافية ز.. بأي وقت عزيزي اخذ راحتك ولا تأخير ولا شي
بس اليمعة يا سلوقا شي ثقيل هم راح نحس فيه إنه يوم اليمعة
ومع السنين بيتغير هالشعور لكن سيظل ولو جزء قليل بإنه يوم الجمعة
الكنار
لأن الله يسلمك الصبح بعد البابايات أذكر كنا نطلع بالبراحة ونيمع الكنار من سدرة بيت ييراننا أو العصر ممكن نيمع الكنار حسب الفراغة من اللعب
تدري بعد شطانة يهالووووو
فراولة
بالعكس يا فراولتي اللذيذة السبت لا يطاق
أحسن إنه إجازة بس المشكلة بتعودنا ببرنامج يوم الخميس
عموما يكفي فراولتنا اللذيذة موجودة
ودايما متواصلة معانا يكفي ماراح يكون في ضيقة خلق
تكانة
تصدقين ما أعتقد بتروح نكهة يوم الخميس
بتظل الزوارة ... وستظل السهرات والعروس
وجاي الضحى .. والهذرة والسوالف
خميس خميس خميس خميس خميس
خميس خميس خميس خميس خميس
hamdool
والله ترى الخميس حلو وأجواءه حلوة
عشان جذيه بنفقده
وهم يوم الخميس نذبح ابليس
عفية ابليس إلي من زمان وإحنا نذبح فيه يوم الخميس وليلحين عايش
جعمنا شره بالله
الله يكافيك ويكافينا شر أبالسة الجن والإنس
وهم أحب يوم الخميس
حررررررررة
حميصة
:)
خروفة
أفا آنا أبيع فستق وحب؟
آنا أصيرلج فستق وحب حياااااتي خوختي
شلونج .. شخبارج ... عساج طيبة
ولهت عليت والله
وعلى سوالف
أيتها الخوخة الجميلة
آنا بعد أحب يوم الخميس
وأهو بعد يحبني
وسأظل أحبه
وإلى الأبد
ههههههههه
حشى مسلسل مكسيكي مو حب
هههههههه
ههههههههه
لؤلؤة
وانتي بخير وصحة وسلامة
تسلمين ياقلبي
آنا أيضا معاج
ماحب الجمعة والسب
بس أحب الخميس
الحب له وحده
آآآآآآه
بتروح يا يوم الخميس
الوداع يا حبي الأبدي
الودااااااااع
تصدقين جنه .. جنه جنه بنوصل لدرجة الجنون من يوم الخميس
:)
استكانة
الحب لك وحدك يا خميس
والشوق لك وحدك يا خميس
صاجة
لكن هم بيظل الخميس خميس
أحبك يا خميسي العزيز
نودعك اليوم
ولا تنسانا
وأحبج يا استكانا
Post a Comment