تذكرون .. برنامج لقاء الخميس .. إلي كان يقدمه
المذيع المخضرم / ماجد الشطي
والمذيعة الرائعة على الشاشة / أمينة الشراح
بنرجع شوي بالزمن بقدم لكم فقرات منوعة اليوم .. يوم الخميس
لذلك حطيت العنوان لقاء الخميس
قلت أسامي! ... شالقصد من اسم فلافل .. إلي أعرفه إنها أكلة .. أو كنا أيام قبل نسمي إلي شعره يعد .. فلافل
أبي أعرف شئ واحد .. شنو الإيحاء إلي يبي يوصله مسمي الفيلم بهذا الإسم
وأيضا مفيش أسامي أقصد مافي أسامي
يالله أسامي ببلاش
وهاللفتة تذكرني باسم إحدى الأغاني الحديثة في فيلم عربي نزل بالسينما من فترة قريبة..
إسمها (بحبك يا ... ح) ماقدر أقولها لأنها خارجة عن الذوق العام
غريب .. بإسلوبك .. بغنائك .. لكني أستانس على حفلاتك والشيلة إلي تسويها
تسوي جو خاص ومميز فيك
الله يهداك بس! .. هذي آخراتها
يا رب الله يزيد الخير .. البردي شئ عجيب شوفته تسر الروح
أذكر قبل كان النساء الكبار يقولون لنا بس تطيح بريدية داخل الفم معناته بننجح هالسنة بالدراسة
أيام قبل كان في بساطة والحياة كانت .. سهلة وعفوية
هالصورة بردي .. أمس
آخر صورة إهي للمحمية إلي قام بإنجازها فريق الغوص والتابع لشركة نفط الكويت قام الشباب ببناء أكبر محمية في الشرق الأوسط
بصراحة مجهود يشكرون عليه .. انجاز وابداع
اسم المحمية: محمية شركة نفط الكويت
يعطيكم ألف عافية يا شباب الكويت ومنها للأفضل انشالله .. الله يوفقكم يا رب
9 comments:
استمتعت بتلك المواضيع المختلفه
والذي امتعني اكثر شكل البلوج جدا راقي
بييييه
لقاء الخميس صج كانت أيام حلوة
ومن اللقطات اللي أذكرها من هالبرنامج
لما كان ماجد الشطي وأمينة الشراح
في القصر الأحمر بالجهرا
يتمشون فيه وما أدري ليش ماجد
حب يقطف كنار من الشجرة
وهو رافع راسه لي فوق
جان يطيح عقاله
وهم كمل وياب الكنارة
:))
أما الشعر الفلافل
ترا نعمة خصوصا اذا كان الهوا تارس
الحمدلله يارب على النعمة
وأشوة إنه صار موضة
أو على قولة الأوليين
مودة
:))
موضوعات حلوة
ودمتم بحب وود
واى عورنى قلبى
يا حلو ذاك الزمان والله
ماجد الشطى وامينه الشراح
يحلوهم والله ويا حلو ايامهم
الله يذكرهم بالخير
بنط على موضوع البردى
مشاءالله شكبراا
حجما كبير
حدنا استمتعنا فيه هالسنه خير
البردى اكثر من مره ينزل علينا
الله يزيد ويبارك يا رب
اما على طارى الفلافل
يناو هذول
لانهم تافهين الله يسلمج
ويا حلوهم اليهال الى شعورهم فلافل
تلاقينهم خف طينه وشياطييييييين
هههههههههههه
بالخيل انا عيل ينرفزنى ما ادرى ليش
هههه
براك
شكرا عالإطراء
هذا بعض ما عندكم
إنت الأرقى
خوش مواضيع وصج كنت احب لقاء الخميس
بس اذا ما خاب ظنى مو ماجد الشطى اللى يقدم اللى يقدم كان على حسن جنه
صج ايام جميلة وبسيطة
سلوقا بولوقا
إيه والله كانت أيام وايد حلوة
بصراحة .. الكنار وايد حلو ويحلى إذا كان اليهال يلقطونه من سدرة بيت الجيران بعد المدرسة بعز الظهر
الشعر الفلافل
ينفع أيام الرطوبة
بس والله يعطي شكل وايد حلو عيل القذلة والشعر المسرح .. لا لا لا لا .. الكناكر أحلى
يكفي إن دمهم خفيف
كاريزما
تذكرين أمينة الشراح كانت شحلوها
وايد تعجبني
لها جمال مميز
البردي .. إيهبل
الشعر الفلافل
حدهم دمهم خفيفة وسريعين بالنكت وخفة الظل
وتعليقاتهم العسل
وايد خفاف عالقلب
مشاري
لا إلي كان يقدم ماجد الشطي
آنا أذكرهم زين .. مع مقدمة الرنامج المميزة
بس نسمعها نذكر لقاء الخميس
والله .. كانت أيام
كاريزما
نسيت أقولج عندي نغمة تليفون
على اغنية
يانا الهوا يانا يانا من زنجبار
أطرشلج إياها
إهداء خاص مني لج .. بمناسبة نرفزتج من بالخير
حياتي أتقشمر
Post a Comment