خلال الإسبوعين الماضيين مرت علي بعض المواقف الطريفة .. وبعضها للأصدقاء .. بعد الإستئذان منهم حبيت أذكرها لكمموقف 1
نهاية الإسبوع إلي طاف صديقتي طلعت قبلي من الدوام
وصار لها جم يوم تحن علي تبي تروح فيلم نوربيت لإيدي ميرفي
وآنا بصراحة .. أستمتع بأفلامه
المهم .. دقت وقالتلي آنا بسينما شرق حجزت .. لفيلم نوربيت .. اليوم
قلتها: زين تسوين نغير .. شوي الأجواء
آنا طبعا راحت علي نومة
دقت: وينج .. باقي ساعة عالفيلم .. إحنا متفقين نتغدى وندش الفيلم
ودار حديث .. ليش متأخرة .. آخر شي قالت
إذا تأخرتي وين أحط لج التذكرة؟
قلت لها: حطيها عند الهنيدي
آنا قلت هالكلمتين .. ماتت من الضحك البنية كااااااااااااع كااااااااااااع كااع
قلت: منى شفيج .. ينيتي؟
جان تقول: عليج مصطلحات ... شنو هنيدي
قلت: الهندي إلي عند باب السينما
قالت: الكرف اليوم .. مأثر عليج
أصلا إنتي من غير شي .. مافي مصطلح ما تقلبينه
البيتزا تسمينها بزازة
اللاند مارك تسمينه أرض العلامة
المجسم مال العمرانية إلي عالبحر تسمينه العمة ربيانة
إيكيا تسمينه .. عيكيا
الفاكس تسمينه ... فكوس ... شدة عالكاف
الهندي .. صار هنيدي؟
قلتلها: عااادي عيشي حياتج
وماسكتت من الضحك... المهم رحت السينما ولقيتها المسكينة ناطرتني .. سألتها ليش ناطرة
قالت: بشوفج .. أي هنيدي بتسإلين
موقف 2
آنا بطبعي .. إذا أمي علقت على أي شي عندي .. ونبهتني عليه .. أتركه على طول .. بدون نقاش
هذاك اليوم كنت سهرانة .. وقعدت الصبح متأخر.. وعادتي أكون مجهزة الملابس من الليل
الصبح .. مايه مزاجي مع البدلة إلي كنت مختارتها .. واخترت وحدة ثانية أمي ما تحبها
اضطريت .. لسبب إنها مكوية وجاهزة .. فعالسريع .. عشان ما أتأخر
المهم .. بطلعتي أمي ماشافتني .. لأنه مبجر .. وأنا أول وحدة تبطل باب الصالة
بردتي .. سمعت صوت أمي بالصالة .. قلت ماني داشة من هالصوب.. خنا أدش من المطبخ أحسن
على ما وصلت المطبخ .. دشيت وإلا أمي بويهي
جان أقول ... حبيييييييبتي أمي قوة .... ومعاها بوسة عالراس
جان تقوللي: لا تساحليني .. (ومع تعبيرات ويهي) أقولها عفية عفية عفية خلاص آخر مرة
جان تبطها ضحكة .. وتقوللي: مقلمة وايد .. لا تلبسين مقلم
أمي ماتحب المقلم .. تقول مو حق البنات
فديتها
موقف 3
من يومين رحت مركز تجهيز الصالونات عندهم خلطات للشعر منعشة
وطبعا في هالمحلات بواريك وبوستيجات
ثاني محل دشيتله .. كبير .. سمعت صوت ضحك بالزاوية .. وصوت مسموع
يوم أقرب لستاند الخلطات .. وإلا ريال لابس باروكة وزوجته مو متمالكة نفسها
من الضحك (وطبعا آنا مادري إذا حركة .. وإلا صج معزم يشتري باروكة) بس كان موقف .. عجيب
وأحلى شي المدام تقوله .. لحظة .. لحظة ..لا تشيلها .. خنصورك
موقف 4
أختم بموقف سعيد ولأنه في هذا اليوم بالتحديد في مناسبة سعيدة
من فترة في الدوام طلعت اشاعة إنه إحدى الموظفين ملج على إحدى زميلات العمل
والكل لامهم .. ليش ما تقولون؟ .. ليش ما تتحجون؟ ليش خاشين عنا؟
المهم .. الطرفين مالهم علم بذلك ... وكل واحد منهم .. عاتب الثاني شلون يصير تطلع هالإشاعة
وصار خلاف
إهي عصبت وأهو عصب .. لأنه الموقف صعب
لكن سبحان الله .. كأنه هالإشاعة خيرة للأثنين
صار فيه تقارب
وبالفعل .. تم الزواج .. وأصبح حقيقة مو إشاعة
وانشالله اليوم عرسهم
ادعولهم بالتوفيق
أسأل الله التوفيق للجميع
إجازة سعيدة
16 comments:
NICE POST :D ..
الموقف الأول
_____________
بدعتي !! على قولة رفيجتج تقلبين الكلمة عدددددددل !! لووول !! ألحين فكوس شيابه حق فاكس ؟؟ لووول
أشوة إنج رحتي الفيلم و ما راحت طولت نومتج و طنشتي البنت .. لوول
الموقف الثاني
______________
يا إحليل أمج و يا زين الأمهات ليه قعدوا ينصحون بناتهم باللبس اللي يتقبلونه :))
الله يخليها لج .. :))
صاجة .. أنا ما أحب ألبس مقلم .. وإذا كانت البدلة مقلمة أفضل يكون التقليم مو اللي واضح أو
OVER ! :)
الموقف الثالث
_______________
لووول مسكين .. تمصــخّر و إهوا ولا يدري .. لوووول صج طماشة !! :) هيهيهي
الموقف الرابع
________________
سبحان الله !! عسى الله يوفقهم و يجمعهم على الخير و المحبة .. :))
عليج كلمات لووووووووووووووووووووووول والله موتيني ضحك على فكوس و هنيدي شكوووووووووو بدعتي لوووووووووووووووول
واحلى موقف الرابع واي اينن الله يوفقهم ان شاء الله ويهنيهم يااااااااااارب
hehehehhe
khosh mawaqef
the last one is cooool
ma ma7abba illa min ba3d 3adawa
دام تزوجوا عيل الكلام اللي قبل ما كان اشاعة
لوووول
الله يوفقهم انشاءالله
loooooooooooooooooool
صاجه الوالدة المخطط مو وايد حلو
إلا إذا كان ميسوني
ههههههههه
علي طاري التخشش
أسوي نفس الشي بالدوام
إذا شي مو عاجبني ما أحب أتمشي فيه
أقعد بمكاني
و خصوصا لما يكون الجو بين البينين
يدوده ما تدرين شنو تلبسين
------
الموقف 4
الله يهدي سرهم و يوفقهم يا رب
ههههه
مواقف جميله .. اعتقد تصلحين تصيرين سفيره للكويت ..
طريقتج مع امج دبلوماسيه .. و تعريبج و طريقة كلامج يدل انج تحبين تكوتين كل شئ (يعني تقلبينه كويتي)
:)
الله يسمع مني اذا موافقه
بركـــان
عزيزتي بريز
المصطلحات
هذا ولا شئ
عندي قاموس مصطلحات .. قلابية .. بس لازم تنقال عالهواء مباشرة ما تنفع بالقراءة
أصلا ما أعيش من غيرها لازم أقلب الحجي
تعودت
عاد خوش بدلة يا بريز
بدلة أنتيكا
بوالباروكة .. مسكين .. كل ما أذكر شكله أموت من الضحك
الرابع
أجمعين يارب ويرزقج انشالله كل خير وسعادة آمين يا رب العالمين
أحمريكا
سيدتي الحمراء .. المصطلحات جزء من حياتي اليومية .. لا أستطيع الإستغناء عنه
الموقف الرابع
الله يا الأناسة إلي استانسناها بعرسهم .. وخووووش دي جي
وكانوا مسوين للعرس برنامج منظم .. وماشالله المعاريس حلوين ولايقين على بعض
الله يسعد الكل والجميع
ويوفقج ويرزقج من أوسع الأبواب يا رب
cr8ivia
فعلا آنا قلت نفس الكلمة
ما محبة إلا من بعد عداوة
الله يوفق الجميع يارب
مطقوق
كانت هوشة .. يا مطقوق .. هوشة سنعة
على قولة .. الصبيان اليهالو .. طبت هوشة .. طبت هوشة
بس .. سبحان الله .. نصيبهم .. تلاقوا في هذا الموقف
على فكرة .. يتشابهون شبه كبير
معلومة
الأزواج دائما فيهم شبه من بعضهم بعض
لأنها طالعة من ضلعه .. وحتى إذا كان الشبه طفيف .. لكن وجوده أكيد
يا حليلهم والله .. الله يهنيهم ويسعدهم
الله يوفقك ويسعد أيامك والأسرة أجمعين آمين يا رب العالمين
مدام تزوجوا عيل زين عسى الله يوفقهم
والمقلم صج مو حلو على البنت
خوش بوست يعطيج العافية
ريما
يا هلا ومرحبا
لما الواحد يتدوده .. مشكلة وخصوصا اللبس
آنا إذا لبست شي مو مريحني .. يومي كله يعتفس .. لازم أكون مقتنعة وداش مزاجي
لأنه تدرين على حسب المزاج .. خصوصا آنا
ويوفقج يارب ويسعدج والفرحة دوم ما تفارقج .. آمين يا رب
بركان
أهو فيه أحلى من الحجي الكويتي؟
والكلام الكويتي؟
والدلع الكويتي؟
و روح الكويتي؟
صدقني مافي .. أحلى منه
شزين كلامنا وشحلوه
سفيرة مرة وحدة .. الله يسمع منك
بس تعال قولي .. شسوي .. أول ما أقعد عالكرسي؟
بس في مشكلة .. ما أعرف أطبخ طبخات سياسية .. لأني أساسا لا أستطعم مذاقها
زوجة سفير مايخالف .. ما عندي مانع
بس سفيرة .. وايد
الأحلام نعمة
mishari
ويوفقك يا رب .. الفال لك انشالله
بس بدون هوشات
إنزين!الكروهات ... تلوق؟
وانتوا الدشداشة عليكم أحلى بدون استثناء
عندياها أحلى من البنطرونات والموضات اليديدة
قالوها
أحب الغترة والدشداشة والعقال
لأنها تبين أصل الرجال
أصيلة والأصل طبع العرب وكرم الخصال
السكبة حلوة
والرجولة زينة الرجال
الله يعافيك ويخليك يا رب
أحلى شي تعريب الكلمات والمصطلحات
عيل لاند مارك
صار
أرض العلامة
:)))
والبيتزا بزازة
!!!!
ودمتم بود
سلوقا بلوقا
عادي .. جدا
أصلا هذا شوية .. ما خفي كان أعظم
البزازة هذا مصطلح مطور من بيتجا
قلبنا هنود .. عادي عادي .. عيش الحياة كما هي
وشوف شلون بتستمتع
Post a Comment