وإلي يهمني بالدرجة الأولى العلاقة الزوجية
طبعا آنا مو محللة ولا قاعد أتفلسف
لكني فعلا أحب أتناول هالموضوع بكل أشكاله
لأسباب كثيرة .. ذكرها مومهم في موضوعي اليوم
وإلي أثار هالموضوع .. تحقيق الجريدة بمشكلة
الشــــــــــــــــــــــــــــــــــــــــــــك
ما أقسى هذه الصفة
جد .. الحياة معاها قاسية ومالها طعم ولون ورائحة
المشكلة الكل أجمع إن الشك مرض نفسي
بصراحة آنا مو متفقة مع هالراي
نظرتي لمشكلة الشك هي أنه نتاج بيئة ومحيط ومؤثرات خارجية
وبعدين عسى ماصار شي .. حطينا العلة بالأمراض النفسية
برأيي الشك .. يؤدي إلى المرض النفسي وليس سبب لهالنوع من الأمراض
ودايما أتساءل ليش البيوت أصبح من السهل اختراقها مافي أي مانع أو صد يمنع عنها الشروخ والتصدع
ليش أصبحت العلاقات هشة .. أي نسمة هوى تهزها .. أي طقة مطر تهدها
الشك .. مثل شك الإبرة إلي تخترق القماش بسهولة .. نفس الشي الشك بالحياة الزوجية سهل يخترقها
لكن من الصعب ترميم حطام نتيجته
وللأسف ألحين صار الإسلوب اتباع الشعوذة والسحر لمعرفة أسرار الطرف الآخر
آه من هالأسلوب آه
أسمع قصص تشيب الراس والسبة الشك بأحد الأطراف
في ناس تسافر برة من أجل هالشغلة
في ناس تغامر وتخاطر عشان نفس الهدف
وبالنهاية كلا الطرفين يخسرون بعضهم بعض
وينهد البيت
لسبب واحد وهو الإتجاه لحل المشكلة خطأ من الأساس
وأمور أخرى .. وجراثيم وااااااااايدة تهاجم العلاقة الزوجية
والمانع الوحيد لصد كل الهجمات
أهو
الإيمــــــــــــــــــان
17 comments:
نعم،كثر ما نبتعد عن دينا ،كثر ما تخترب بيوتنا
صارت سالفة السحر جدا عادية في نظر الكثير للاسف
تلقين المره بالليل تصلي وتدعي ربها وتطلبه
والصبح رايحه حق ساحر والا ساحرة
الله لا يبلانا بدينا ولا دنيانا
ومشكوره
الشك يدخل في باب اساءة الظن
وهالشغلة مذكورة حتى بالقرآن سورة النور بحادثة الافك
وكيف عاتب الله من روّج ومن صدّق هذه الاشاعة
(( لولا إذ سمعتموه ظن المؤمنون والمؤمنات بأنفسهم خيراً ))
أي : هلاّ إذ سمعتموه ظننتم الخير كما تظنونه بأنفسكم
وفي آية أخرى في نفس السورة
(( ولولا إذْ سمعتموه قلتم ما يكون لنا أن نتكلم بهذا سبحانك هذا بهتان عظيم))
مشكلتنا نستسهل الشغله + الشيطان شاااااطر ... إذا مايقرب الا اللي يخرب بين الواحد ومرته !!!!؟ هذا اللي يكون له مكانه عظيمه ويكون المقرب تخيلي
---
الموضوع طويييييييل وشائك .. وكل نقطة مرتبطه بالثانية
كل شي ممكن ينحل بحسن الظن + نحط في بالنا ان المتهم بريء حتى تثبت إدانته
شراح نخسر بحسن ظنا ببعض ؟
---
مشااااااكل وايدة وبيوت انهدمت بسبب الشك
يمكن من اسباب الشك الناس ماتصارح بعضها + تنقل الخبر بدون تيقن من صحته
والمفروض لما نعرف شي عن شخص معين نتأكد من صاحب هالشي
كفا بالمرء كذبا ان يحدث بكل ماسمع .. او كما قال حبيبي صلى الله عليه وسلم
--
أدري طولت بس حبيت أدلي بدلوي بهالموضوع
تسلم ايدج على هالبوست الحلو
مادري ليش لما قريت جمله علاقات هشه
واي نسمة هوى تهزها
تذكرت اغنيه حق نوال:
قاوم هبوب العاصفه وهدته نسمه
نسمة رقيقه ظالمه
ما بقلبها رحمه
!!
شكو مادري؟
بس يمكن لاني وايد افكر اشلون هالنسمة بتهد علاقه قويه
شي طبيعي اذا هدت بتهد علاقه اساسها تعبان
اساسها شك
واساسها مافيه ثقه
التجسس بالدين حرام
واساءه الظن منهي عنه
والاصل بكل شي براءه الذمه
الشك مصيبه تهد بيوت وتعمي عيون
الله يبعدج ويبعدنا وكل حبايبنا عنه
:)
سؤال:
شنو طبيعه عملج في الوطن؟
عندي صديقة دينة وريلها دين كل فرض بالمسيد ومايرفع عينة عالحريم ..وواصل وكل صفاة زينة فيه ...بس شكاااااااك ويشك فيها وميننها ...الى ان انفصلت عنه وعندها بنت عمرها 9 سنوات .,..شتسمينة هذا بعد قلة ايمان ؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟
قد اختلف معاج واقول هو فعلا مرض نفسي نتاج البيئة المحيطه و اسلوب التربية
نسيتي شي؟
شنو علاقة الشك بعدم الثقة بالنفس؟
هل هم مرتبطين؟
انا اعتقد انهم مرتبطين وكل ما قلت الثقة بالنفس من طرف، زاد الشك في الطرف الثاني
ولكن احتاج اني ااكد ان الشك المريض الي تتكلمون عنه اهو في حالة ان الطرف الثاني يكون جدا واضح وغير مبهم في تصرفاته
هني تكون المشكلة لما يشكون فيه
وسلامتج
مساالورد والجوري
لغاليتي الماس
حبوبة هالموضوع والعياذ بالله منه وايد
صعب واللي يدخل فيه مايطلع منه الا اذا قوي ايمانه وابتعد عن الشيطان
بتفكيره وبكل جوارحه
متي ماكان الايمان هو الركيزه الاساسية
باي علاقة كانت
وخصوصا العلاقة الزوجية
ساعتها مافي شيء بالدنيا ممكن يهدم هالبيت
دمت بحب
ابدا
:)
الشك نتيجة طرفين
الشكاك
و المشكوك فيه
أحيانا تصرفات المشكوك فيه تساعد الشكاك على الشك
مو دايما الشك غلط
سليمان
إيه عادي ياخوي سحر بحر بوداوود
بحجة إنها بتحافظ على بيتها
عادي كله خرطي
الواحد مايقول إلا الحمدلله والشكر
ريلاكس
حيالله ريلاكس
شفيج صارلج فترة غايبة
عودة حميدة
الله يسلمج مثل ماقلتي الشك فيه سوء ظن
عاد ياشين هالصفة .. الحمدلله والشكر ياربي
مشكور عالتعليق وذكر آيات من القرآن الكريم
الصراحة وايد استفدت من تعليقج
رائع
استكانة
الله يسلم عمرج يارب
كلامج كلام راقي
فعلا الشك وسوء الظن والتجسس والتتبع كله مرتبط ببعضه
الله يكافينا شرهم كلهم
العلاقات هشة بسبب بناء الناس
أحيانا يكون رجيج عشان جذيه هفة هوا تطيحه
وأي علاقة أساسها الثقة الطرفين بيرتاحون وبتكون الحياة عندهم سهلة وسلس التعامل فينا بينهم
عتيجة
في حلقة ضايعة من عندنا
الله يسلمج إحنا دايما نفكر إن إلي يصلي كل فروضه بالمسجد وصيام وقيام بواجباته الدينية والدنيوية معناته هذا واااااو توب
دين وانسان سيدا
بس إلي إحنا غافلين عنه إن إحنا ما نعلم شنو بالقلوب وما تحمل النوايا وهالشي مقتصر فقط على رب العالمين
ويظل هو انسان فلابد من الإنحراف عن الخط
بالنسبة لي لا أقرن الصلاة والتدين بما في داخل الإنسان لأني لا أعلمه
ففي حالة البنية إلي ذكرتيها وزوجها الشكاك
هالإنسان عنده خلل داخلي .. في داخل نفسه
والشي الثاني آنا بسأل سؤال
الصلاة الدائمة وأجواء المسجد ما أثرت فيه من داخل؟؟؟؟؟
لالالالالالالالا
صدقيني يا عتوجة هالإنسان ماعنده توازن داخلي
أما النية فلا أعلمها
استكانة
أمبيه Sorry
سهيت ومارديت على سؤالج
الله يسلمج آنا ما كنت أشتغل بالوطن كنت أكتب فقط
كل اسبوع كان ينزل لي مقال
وكنت مستمتعة بهالشي
بس بعدين لهيت بأشياء ثانية لكني موجودة .. واتجهت بمقالاتي لذوي الإحتياجات الخاصة وخصوصا الناس إلي أحبهم وأهتم بكل ما يخصهم هم الإخوة والأخوات الصم
ودمجهم بالمجتمع
وكذلك تطرقت لزواج فئات المعاقين
واختلاطهم بمجتمع الأصحاء
دمج المعاقين بالمجتمع
هي قضيتي الأولى بالحياة
بس مشوارها طويل
وليست مقتصرة عالكتابة إنما أشياء كثيرة
الله يقدرني وأحقق شئ انشالله
ادعولي
the simper
آنا أرجح بأن الشك مرتبط بعدم الثقة
في بعض الحالات لأن ممكن يكون في نقص بالشخص وأهو مقتنع فيه فيأدي لعدم الثقة بالنفس وعقبها يحس إن الطرف إلي بمقابله ناقصه شي ويردي تعويض
ومن الصوب الثاني إلي مو واثق بنفسه بإتييه الوساوس والأفكار الشكوكية
الله يبعد الكل عند الشك ومشاكله
فراولة
أحسنتي يا فراولتي اللزيزة
على طاري اللزيزة
أخوي الصغير اسمه عبدالعزيز أحد ربعه بالمدرسة إبتدائي طبعا نزق
ف يناديه عبدالعزيز اللزيز
المهم
أحسنتي
الإيمان عماد الحياة
يسلم بؤك
مطقوق
قصدك التصرفات تخلي الواحد يشك
وإن كانت التصرفات مشكوك فيها
شنو أساس الشك من الأصل؟؟؟؟
لابد يكون فيه فجوة سمحت للتفكير والشك بالتصرفات
عدل
مشالله مشالله
الله يوفقج يارب
انا فخورة فيج
:))
وكل انجاز لازم تفرحينه معاج
احنا خواتج
وعلى فكره التجدد مع كل مقاله
النشر
تبني فكره وقضيه ساميه ونبيله مثل اللي انتي قاعده تتعبين فيه وتشتغلين فيه شي حلو
عشان يتوج شغلج بالتوفيق
احتسبي حتى الاجر فيه
:)
استكانة
يا أحلى مافي القلب مكانة
مشكورة على كلامج الحلو وتشجيعج لي
الله يسمع منج
ويوفق الجميع آمين يا ربي العالمين
مشكورة وايد
Post a Comment