بعدنا في سبات عميقبعدنا عايشين بالأحلام
للأسف ننطر الشي إيينا جاهز
بدون جهد ولا تعب
ننطر الأفكار إتيينا على طبق من ذهب
يليها المرحلة الثانية التقلييييييييييييييد
نعم التقليد
أعتقد لاحظتوا في الفترة الأخيرة كثرة النسخ العربية للأفلام والمسلسلات الأجنبية
المؤلفين والمنتجين ياخذون الفكرة بالضبط .. وسبحان الله نفس الحوار والشخصيات وحتى الديكور
يا ربي .. شدعوة مو لهالدرجة التقليد
وكأن العقول في استراحة دائمة مالها أي دور بالإنتاج الذاتي
مثال على ذلك
Ugly Beaty
النسخة العربية
بيتي الدميمة
Shall We Dance
النسخة العربية
ياللا بينا نرأص
Emergancy Room
النسخة العربية
لحظات حرجة: راح ينعرض برمضان
المهم تلاحظون كثرت النسخ العربية
ماسببها؟؟؟
الكسل؟
عدم الثقة بإنتاجنا كأفكارعربية؟
تقليد أعمى وبس خلاص؟
هل هي وسيلة لجذب عدد أكبر من المشاهدين؟
أم هو أسهل طريق للشهرة؟
سؤال ليش الأمور قامت تنحدر فينا لهالدرجة
الحياة أصبحت صورة غربية بإطار شرقي
وفي بعض الصور تخلت عن شرقيتها تماما
للأسف
الحال أصبح رهيب
وكأنها حالة من التجمد الفكري
وعدم الإحتفاظ بسمات الشخصية الشرقية
حبايبي شنو رايكم بمسألة التقليد بشكل عام
ورايكم بموضة تقليد الأفلام والآكشن والقصص الأجنبية
30 comments:
مساالغلا للاحلي من الحلا
غاليتي الماس
حبوبة شوفي بالنسبة للتقليد براي
ماله اي مبرر غير ان احنا نبي كلشي ايينا جاهز مجهز بدون تعبولا بحث ولا شي
بس صرنا نشوف وننسخ..بيني وبينج يمكن استسهلوا
السالفة..كل شي جايز
دمت بحب
ابدا
:)
خل نقلد بس على الاقل الشي اللي نستفيد منه
بعض الاوادم صايرين خرفان والله
:)
التقليد المفيد انا معاه
بس الاعمي ليش له محل عندنا
والله صااجه
يفشلوون
كل شى مقلد مو مثل الاصل
لوعه يصيير
وعاد الله خيييير اذا العرب قلدوا الاجااانب
يالالاهوى
ماساااة
مساالخير
بالضبط اغلب برامجنا تقليد في تقليد
السبب انهم يبون ربح سريع
ويشوفون الاقبال والمتابعة لهالبرامج
فيقلدون عشان ربح سريع
غير انهم ما يبون يتعبون مخهم ويفكرون بشي يديد
شوفي اختي
دام فيه ناس تدز مسجات
ودام فيه ناس قبالها شاي وحب
وقروضات
ودام فيه دواويين اعضاءها قاعدين وهمهم بالدنيا هالبرامج السخيفه
ابشري بنسخ عربيه وتقليد اعمى
وعلى فكره هذه البرامج كانت عند الغرب منذ سنينا طويله
احنا تونا هابين فيها يعني لازم ناخذ وقت
اعتقد ان في طاقات شبابيه وااايد في العالم العربي .. بس محد معطيهم ويهه .. وخاصة في رمضان يبون يزيدون المشاهدين فيحطون اسامي معروقه واعمال خربوطه
افلاس فكري
التعود على الربح السريع
و أهم الأسباب
عدم احترام النفس و الذات
الجماعة في افلاس فكري
والتقليد اسهل وارخص
وييب لهم مكسب اسرع
وسلامتج
فراولة
صاجة ياوخيتي
بهالحالة يبون الشي جاهز مو مستعدين يجتهدون
ويطلعون أفكار يديدة
تعودوا على هالشي
مناف
لاااااه التقليد مب زين
شحقى نقلد؟؟؟ حلات الشي برونقه الذاتي
وايد طولت نومتهم
متى الإستيقاظ ؟؟ لاأعلم
الأستاذ بلاليط
شحقى أقلد؟؟؟؟
الإستقلالية بالشئ شغلة حلوة
لكني أحترم رايك
كاريزما
شفتي عاد ياكبرها هالفشلة
ولااااه عينك عينك
والله قوات عين
عادي ياوخيتي .. عادي
بيرل
حيالله اللولوة
العقول نايمة
مايبون يتعبون ولا يبذلون جهد
ميبون يتعبون مخهم ومخيخهم
الله يهديهم ويصحون من نومهم
براك
نسيت البلوة توث
دمر العقول تدمير سنع
وغير اتجاه أفكارها
إنت تقصد دامهم لاهين وساهين ماراح يكون في انتاج
صاج ياوخيي
دام العقل والفكر مشغول بأشياء ثانية وهامشية .. ماراح يكون له أي انتاج
ذكرتني بشي
صوت البوكس بالأفلام العربية بعده نفس الشي ماتغير من أيام أبيض وأسود والصوت بعد الحركة
غير تقليد أفكار الكليبات والملابس والعوايد الغربية
الواحد يأسف على هالأمور
نظل عرب والواحد يحز بنفسه إن وصل فينا الحال إلى ماهو عليه
يالله مانقول إلا الله يعين
smile
حيالله ابتسامة
ما يعطون الكودار الشبابية حقها
لأنهم يبون الشهرة والصدارة بدون أي تعب
ف ليش يعطي مجال للآخرين في الإبتكار والإنجاز
إييب فكرة أجنبية جاهزة ويعربها
ولا كأن حصل شي
المهم اسمه .. مثل ماقلتي
بس في بصيص أمل
الكل عارف مسلسل فريج فكرة مبدعة من بنات أفكار شاب اماراتي
الصراحة انجاز
والشي إلي عاجبني فيه إنه ما انغر بعمله ويطمح لأشياء أحسن وأحلى
الله يوفقه ويوفق كل الشباب المتحمس
آمين
ماكو حرية للابداع
الخطوط الحمرا وااااايد
خطوط سياسية ودينية واجتماعية
شلون الانسان يبدع إذا ماكو حرية
وخيال مفتوح
ودمتم بحب وود
مطقوق
وكسل فكري
ما ينلامون فيهم تنابلة السلطان
الله يسلمك ألحين اتجهت الأفكار إلى اتجاه سطحي وكل ماله بالنازل
بس متى بنصحى؟؟؟؟؟
على أشياء وايدة بالحياة
لا نعلم متى يحين وقت الصحوة
مملوحة
ليش مفلسين؟؟؟ مايعرفون يفكرون؟؟
يبدعون؟؟ ينتجون؟؟
أهم نايمين ومثل ماقلتي الربح السريع
ولمعان المادة يغري
الله يعين
سلوقا بلوقا
الله يسلمك في كل شئ خطوط حمراء
فلابد من الإلتزام بالحدود
ومفهوم الحرية يكون لصالح الجميع لأن لا تنسى أحيانا عدم وجود قيود يتعرض البعض للبعض
ومع اختلاف الأمور الدينية والسياسة والإجتماعية بيكون في تصادم إذا ماانحطت الخطوط
عشان جذيه لابد يكون في خطوط حمراء
أو نسميها موضوعية الطرح
وشكرا على النقطة إلي أثرتها وااااايد مهمة
طالما في خطوط حمراء
إذن لنستمتع بالتقلييد
على سبيل المثال
ميل جيبسون
قدم فيلم آلام المسيح
واعترضوا عليه اليهود
وحاربوه
لكنهم ما أقاموا الحد عليه
وهم شفنا الفيلم
الموضوع طويل جدا
ودمتم بحب وود
التقليد موهبه عربيه أصيله
أكو مسرحيات عالميه عربت
وقدمت في مصر على سبيل المثال
واللي بالخليج ينقلونها من
مصر وليس من البلد الأم
يعني تخيلي شلون هالمسرح
العالمي بيوصل مشوه وبعيد
عن مضمونه
أكو وايد برامج ما تناسبنا
وفيه برامج يعترف أصحابها
بفشلها من الناحيه الفنيه
بس نجاحها الجماهيري طاغي
برايكم شالأسباب؟!؟
فعلا أكبر مشكله إنه نقلد غيرنا وخصوصا الأجانب ..
صار فالعرب خمول فكري وكل شي يبونه بسهاله وبدون أي جهد ..
من جذي إتجهوا للتقليد أسهل طريقه عندهم للأسف ..
مافي إنتاجيه جديده بالفكر ..
للأسف ..
الله يحفظ الجميع :)
تقليد بالأشياء الصح ينبلع
بس التقليد بالغلط
هذا اللي ما يمر من البلعوم
بناتنا صارو كلهم لبنانيات
وشبابنا صاروا كلهم وائل كفوري
شي يلوع الجبد
فلان ركب سياره (....) هذاك عنده يقترض عشان يحط نفسه وبعدين شهرين ويبيعها من القسط اللي كسر ظهره
فلانه اجرت شاليه اسبوع
رصي بو العيال يأجرج لج شهر
ابي نفس هالجنظه اللي عند بنت فلان
دخلى جمعية وعذبي نفسج سنه عشان تشترين نفسها
يا معودة
التقليد بالأفلام يهون عن التقليد بالواقع اليومي
خليها على الله
احنا صرنا كلنا ماركه مقلده
سلوقا بلوقا
شفت صار خلاف بين الطوائف وهذا ما نراه بالعين والله يعلم بالخافي
ليش نستمتع بالتقليد؟
مثل ما عندهم أفكار هم إحنا عندنا أفكار ونقدر نبدع
بس الكسل ماكل القلوب
الله يعين
حمدول
تقصد طرار يطره والفار إيره
النجاح الجماهيري طاغي لأنهم مرتكزين على أقوى سلاحين لشغل الفكر والبال بالدنيا .. وأهم معروفين
الأغاني والطقطقة
والشي الثاني
الإغراء
هالسلاحين يفتكون بعقل الإنسان
وبما إنه الجمهور عايز كده
ووراهم ربح كبير
فما المانع .. من مواصلة المشوار
دانة
يادانة العشاق
النوم الفكري
أصلا أهم ما يبون يصحون مرتاحي أهم جذي ويا حبهم للراحة
ماتشوفين الغرب سبقنا مع قدماء العرب أهم إلي حطوا أسس كل العلوم
خذوها الأجانب وكملوا الطريج
بسبب نومنا
كأس وغانية توديان بالأمة المحمدية
تدرين متى قريت هالجملة
لما كنت بالمتوسط وراسخة بمخي
ووايد أنقهر منها
وأتحسر عالوضع
لأنه أغلب الأشياء إلي إحنا فيها ألحين تفسر هالمقولة
للأسف
زوزوتا
عجبتني اللفتة إلي تطرقتيلها
مو أهو التقليد بالأفلام مأخوذ من التقليد من الواقع
لاحظي الأزياء واللبس وطريقة الكلام
كلها صارت وحدة
إيه ليش؟؟؟؟
بالنسبة للتقليد بالواقع
تدرين وين المشكلة؟؟؟
الله يسلمج المشكلة بالفراغ النفسي والفوضى الداخلية إلي يعيشها البعض
لسبب إنه ما في توجيه من الأساس
والقصد التربية
زائد الأجواء المحيطة تساعد على هالشي
ف أحيانا ما ألوم الناس على شروة سيارة كشخة .. وإلا بدلة وحيدة بالكويت محد بيلبسها غيرها
وإلا الماركة الفلانية وإلا غيره وغيره
لأنه النفس تبي ومادام الإنسان عايش فإنه الرغبة في تحرك دائم ومحتاجين نتعايش مع الجو
فالتقليد بهالحالة يدش فيه أسباب كثيرة لا تقع فقط عالشخص نفسه
في عوامل كثيرة حوله تساعده على هالشي
لكن سوء تقدير تحمل الإمكانيات أهم إلي يتعب
مشكوووووورة عالتعليق واللفتة الحلوة
الغرب متقدمين عن العرب بسنين ولازم ناخذ منهم امنا بالله بس لازم العقل العربى يتحرك ويبدع صارله قرون واهوه فى حاله الجمود الفكرى متعودين على الكسل وكل شى ايى زاهب على طبق من ذهب
نور
هذا إلي يبون
كأنهم ناطرين الشي ينزل
عشان يقلدون
العقول نامت في سبات عميق
متى بيقعدون مادري؟؟؟
شكرا للزيارة الأولى
مشكورة
Post a Comment