مبروووووك
وأخيرا .. يانا الصيف .. حتى لو طشار .. ميخالف
عيزنا من البرد
قتة .. بسسسنا برد
يا منخشين .. يا مندعسين
وإن غيرنا
يا مندعسين ... يا منخشين
بالبيت عن البرودة ولفحة الهوى البارد
كسل .. نوم .. كآبة مافي نشاط
ما أصدق متى إيي الصيف
سبحان الله الواحد يحس بالنشاط والحركة
له خلق يسوي .. أشياء مو شي واحد بس
صج الحر ساعات يزودها شوية .. بس هم ميخالف
خلي إيي .. عالأقل
أقدر أتمشى وأركض عالبحر
يمعات وشوي وأناسة
طلعات خفيفة
ملابس ما تكتم عالقلب
السما صافية وفاتحة
حتى الحب في المواسم غير .. ولو إنه دايما من طرف واحد
ومن بعيد ليه بعيد .. بس عادي مامن مشكلة
المهم الحياة مستمرة
والأهم من جذيه ... يكفي إني أحبكـــــــم
بعد ماوصيكم هالله هالله بالرقي
وأيضا هالله هالله بالبطيخ
صيف .. شتاء .. حر .. برد .. خريف .. ربيع
في كل الأوقات أحبكم
14 comments:
:))))
وتينى ضحك
لى هالدرجه مأزمج البرد ههههههههه
عاد انا من محبيين الشتا
احب الشتا واايد وضايق خلقى ان بيخلص الشتا
صيفنا لواهييب يا المااس
://
الله يعينا علييه والله
بس فرحاانه لفرحج
ههههههه
ولكم للصيف عشان الماس
:))
صج الحر ساعات يزودها شوية .. بس هم ميخالف
إنتي من صجج ؟؟
يزودها شوية ؟؟
إذا جذي شوية عيل شلون الوايد
هههههه
والله الحر عندنا لا يطاق
جربتني تطلعين بالسيارة الظهر مع الزحمة والحر
الله لا يوريج
والله البرد أبرك بواايد
:)
تحياتي عزيزتي
انا من عشاق الشتا واجواءه...الدوة وجاي الفحم وحتى لبس الشتا اينن كشخه ورزة مو مثل الصيفي قميص وجينز وانقز..بالصيف تييلي قمته واكره الطلعه والحر واللواهيب..صراحه اتمنى طول السنه اشتا :P~
كاريزما
والله حدددددة مأزمني البرد
ياختج كئيب .. ماورا خلاص عوع ما نبي
أهو صح لاهوب من هالصوب وواهي من الصوب الثاني
بس هم أهون
عندي قاعدة بالبرد ما تقدرين تدفين نفسج .. بس بالحر تقدرين تبردين على روحج
قولي ليش؟؟
آنا أقول عنج ليش؟
لأن الله يسلمج يا وخيتي
التكييف بكل مكان
وإذا مافي فيه ماي بارد أو برد
يعني في طريقة
بس البرد مو بكل مكان الدفاية والقهوة والمشروبات الساخنة اللذيذة إلي يحبهم قلبج وقلبي
مستانسة وايد لزيارتج إلي فقدتها
هالله هالله بالتواصل
مشكورة كروزة
7osen
احم احم .. كح كح
هذي فضلة خير البرد
الصيف أبرك .. صدقني أبرك
جنك تدري ساعات أييب خواني من المدرسة
فالحر يعمل عمايله
لكن القصد
بالصيف الواحد تكون حركته خفيفة
بالبرد نتعيز نسوي شي
خلنا صيفيين أحسن
أشكرك عزيزي
Tekana
احسن .. والله أحسن
وبعدين الجينز يسوي شغل
ألوان ودرجات .. آنا وايد أحب الجينز
أخف حق كل شي .. يالله طرق البنطرون الجينز والتي شيرت
أخف .. أخف
عيل لبس الشتا شثقله
يقعد عالقلب
عاش الجينز عاااااش
وبعدين شهالحركات والأكشنات
يه يه يه يه
خوش لوك ماشالله اختيارج لتصميم مدونتج راقي ومريح
وخليج عالصيف أحلى
أشكرج حبيبة
لوووووووووووول
والله انا احب الصيف بس حاااار وايد من تحطين مكياج سااح
هذا عيبة:p
وانا عندي ملابس الشتا اكشخ وافخم!
عموما الله يبارك فيج يارب لوووول
وبوست حلووو مثل صاحبتة
الماااااااااااااس
اول مره بحياتي كويتيه تقول بالشتا قمته وبالصيف طلعات
الله يهديج انا حسب ما اذكر
طول الشتا طلعات
صبح ظهر ليل
الجو عجيب
يعني مهما كان برد
بس الناس تطلع
ادعيج لمشاهدة الصور من الصقيع اللي احنا فيه
عشان تعرفين قيمه الشتا بالكويت
:))
ياييييييج الصيف
وبيقعد شهور لما تقولين بس
لا تستعيلين على رزقج
اللاهوب و الواهي بالطريج
هاهاهاها
وردة حب
حيالله أجمل ورود العالم
حياتي إنتي من مؤيديني
الصيف خفيف بس الشتا ثقيل
حشاج والحاضرين البوتات تزنط
شزين الصنادل والشحاطيط يعني الشحاطات حشاكم
هالألوان الحلوة والفريش .. هالعطورات الفرنسية إلي تنعنش الروح
اربعة وعشرين ساعة واحنا طايحيلة ياسكن
آنا أحس بالنشاط بالصيف أكثر من الشتا البيات الشتوي كله نايمين وبس
غلا النومة الصبح لما نقعد حق الدوام الله عالخمس دقايق جنها خمس ساعات
وكله متأخرين الصبح والسبة النوم تحت اللحاف والدفى
بعد جبدي وردة حب
مؤيدتي
خنبشر إلي مو مؤيدين
إن العيد هالسنة صيفي واااك واااك وااااك
يانا الصيف يانا
أشكرج عالزيارة الأولى
وخليج على تواصل
بدون فاصل
مشكورة
vancouver
إييييييه يا وخيتي
سدئيني الصيف أحلى
أهو صج لهاليب ورطوبة
بس الله يعافي التكييف
روحي الشاطئ بالصيف وروحيله بالشتا
بذمتج مو بالصيف أحلى
روحي زجيرة فيلجا
الله وناااااسة بالصيف
حتى الدلافين تصيف معانا
الشتا .. يا ناكل يا نوم يا روحة للدوام متأخر .. يا بر .. يا مجمعات يعني كله طلعاتنا داخلية
الصيف ياي
ليما أقول بس
وإلا ليما الواحد يفطس
صج حر وفطيسة بس هم أخف
أختي العزيزة أتمنالج صيف ظريف .. أوووه أقصد شتاء سعيد
فانكوفر بتعيدين عندنا؟ .. الله يامن حظنا
بس حسبي حسابج هالسنة العيد صيف
:)))))))))
تحياتي لج عزيزتي الغالية
Excellent posting, Almas!
Have a good weekend.
اهداء مني حق خروفة
الله يذكرها بالخير كنا كلا نتعازم عالباسكن
يه الصيف .. ويا حلات الباسكن
ويا حلاتج يا خروفة
يالله متى ترجعين ياخوخة والله لج وحشة
بانتظارج
David Santos
Thanks dear
Keep visiting us
Thanks
Happy day
:)
كل له حلاته
شتا وصيف ما نستغني
ونحس الحياة متوازنة يالأثنين
في غربتي مليت البرد والثلج
لكني أشتاق له في عز الصيف
:)
Post a Comment