ربما هالموضوع متكرر .. لا أعلم لكنه بإزياد على أرض الواقعفي كل مرة نتكلم عن حنان الأم وعطاءها الممتد لكن اليوم راح نتكلم عن العكس
في وقتنا الحاضر قمنا نشوف أشياء عجيبة غريبة
الإسبوع الماضي كنت أتمشى مع رفيجتي بأحد المجمعات
قررنا نحجز حق فيلم وإلا الدور ماااااشالله كله هنود وتعددت اليونيفورمات
قلت حق رفيجتي: وين الناس؟؟؟؟
قالتلي: كاهم الناس .. الخدم مع اليهال
آنا: أمبيه .. فيلم الساعة تسع الحضور خدم ويهال .. وين الأمهات؟؟ وين الأبهات؟؟
No Comment
وألتفت الصوب الثاني ألقى معاق على كرسي ناطر وعليا أهو مع الشغالة والسايق برة عند مدخل السينما
ما يندرى عاد بيدش الفيلم .. وإلا ناطر أهله
طبعا الشغالة لاهية تبلع .. والسايق لاهي بالموبايل
يعني ليش...؟؟
بالله هذي حالة .. والله ما أدري شنو الواحد يقول بهالموقف
يهال صغار .. نتف .. هادينهم مع الخدم والسواق ليه تالي الليل
آنا ما أقول الكل .. أقول البعض
وهذا عدي عن الأمور إلي نسمعها
أم .. تسافر .. وعمر ولدها أقل من أربعين يوم تتركه عند أهلها
عشان تجهز حق حفلة الإستقبال .. شغل برة
لأن الهم أصبح الناس وردة فعل الناس .. سوت حفلة .. إتينن ..البدلة روعة .. الدي جي عجيب .. إلخ .. إلخ .. إلخ
الأدهى والأمر
أساس الأمومة .. والشعور إلي تحس فيه الأم وكأنها ملكت العالم أجمع
شعور رضاعة الطفل .. نعمة من رب العالمين
الأمهات يبتعدون عن الرضاعة الطبيعية
ليش؟؟ لأسباب جمالية
سؤال؟؟؟
على قولة الأوليين إذا ما كان في صلة حب وحنان بين الأم وطفلها
شلون بيحس فيها ويحن عليها لما يكبر؟
إذا ما أعطيه من قلبي وروحي .. شلون بيعطيني ليما أكبر وحين انقطاع سني
المستوصفات والمستشفيات
قمنا نلاحظ الخدم أهم إلي شايلين اليهال المرضى
نشوفه أحيانا يبجي من الألم .. وإلا دايخ من الحرارة
والشغالة طبعا بدون مبالاة .. بس شايلته
والأم تنطر الدور
سؤال؟؟؟
مو المفروض يكون الياهل المريض بحضن أمه؟؟
مو الفروض أهو بحاجة الأم في هالوقت؟؟
وأحيانا أشوف الخدم بالمطاعم يوكلون اليهال بإيدهم
يعني الياهل ياكل من إيد الشغالة مباشرة
عيل الأمرااااااض حق عيالنا من وين يت؟؟؟
وألحين الموضة
الشغالة .. تودي المدرسة
الشغالة .. تدرس
الشغالة .. تريق
الشغالة .. تغدي
الشغالة .. تعشي
الشغالة .. تعلم الصح من الغلط
الشغالة .. تمشي وطق سوالف
الشغالة ممكن .. نشبك عالماسنجر وهات يا تشات معاها
آنا عارفة الحياة صار فيها مشاغل وايد ولابد من الخدم
بس شوية .. مو كل الإعتماد عليها
ليش ضاعت منا الأساسيات؟
ليش قمنا نتخلى عن أمور واجبة وأساس بحياتنا من أجل أمور جانبية؟
بليز بليز بليز بليز بليز
الأمومة .. نعمة
من ضيعتها .. فاتتها الدنيا كلها
ترى كتبت هالبوست .. من حر مافي قلبي عاليهال إلي شفتهم
ديروا بالكم على عيالكم
هم قرة أعينكم
كلكم أحبكم
38 comments:
هيييي حمدالله على السلامة
انتي كيفك اخبراك؟
لوول والله استانست لمه عرفت انه انتي رديتي و استانست انه اقدر ازورج
و علىالبوست يعطيج اعافيه امبي منجج انتي شوفي المدارس تيلج بنت تبجي تقول تيجر ما درست انه خادمتنا اليوم طالعه
و امها الله يسترعليها
عادي الناس ينو هالايام
تسلمن و سمله عليج و على قلبج خيتوو
missed u haaaaaaaaaal much lol
salamz sweetee...
اسم الله عليج من الحره
لا تحترين عزيزتى
كل واحد يجنى بذرته بعدين
نسمع ونشوف ونحتر
كل ولى امر عارف شقاعد يسوى
وكله مردود لهم بعدين
الله حافظهم هاليهال والله
تسلم ايدج
اي والله
شي يحر ويقث
الناس هذي حرااااام عندها عيال
شلون اهل مادري
مالت عليهم
قواج الله حبيبتي
بعد التحيه و السلام
صدقتي بكل حرف و كل كلمه .. ضاعت احاسيس الامومه في هذه الايام .. و عاشت احاسيس الخدم .. الجيل الصاعد يجب ان يسمى جيل تربية الخدم
الله يكون بل العون
الثائر
موضوع متكرر
بس
بعد
لم نوفيه حقة
والام
مهما قلنا وتكلمنا عنها وعن عطائها
ما راح نخلص
الله يحفط امهاتكم
بالنسبة للخدم
فحسب رايي المتواضع
ان جيل الامهات المعتمدين على الخدم
لم يستفيدو منهم
فانهم اكثر الاسر مشاكل
مشاكل زوجية
مشاكل الاطفال النفسية
وعنصرية الاطفال ضد الهنود والجاليات الاخرى
وهلم جرة
ناهيك عن المتن الزايد والحالات المرضية التي سببها الكسل وقلة الحركة
انا من الزوجات الي يرفعون شعار لا للخدم
والحمد لله
موضوع جميل
تسلمين
والله احنا بعد نحبج
:*********
تسلم اييييدج على كل حرف كتبتيه
يرضيج يعني عيالنا واجيالنا اليايه كلها
تربيه خدم
واعني بكلمه تربيه
يعني كلللل شيء
والله حراام
انا سمعت الحين هابين ييبون سسترات يعني ممرضات ويكونون مسئولين اميه بالاميه عن الياهل
يعني لو قعد نص اللي يبجي مو الخدامه اللي تروحله ولا امه لا لا الممرضه
:"(
والله شيء يحزن
مايدرون انه اموال الدنيا ودلع العالم
وفلوس وخدم الكون
ما يعوضون الياهل ساعة ضحك ولعب بحضن امه وابوه
تسلم ايدج والهمتيني اكتب بوست بالموضوع
الله لا يبلانا
5roofa
الله يسلم عمرج
انتي شلونج شخبارج؟ شالدنيا فيج
آه يا آطعة
ليش قطعتي .. والله مكانج فاضي
حياتي انشالله دوم مستانسة
أمبييييه ... والله السالفة صارت مثل الطبخة إلى من غير ملح .. ماصخة
يعني ليش كل اعتمادهم عالشغالة؟؟
سؤال؟؟
عيل اوهم شسوووون؟؟؟
على قولتج الناس يانين
يا مال اليني إلي يشيل ابليس وأهله
مشكورة يا بسكوته
إيه جذيه .. طلي علينا .. سيري
يا حلو ملقاج وسلامج
مشكورة خوخة
مري عاااد مو تقاطعين
Thanks
charisma
اختج والله شي يحر
الياهل شذنبه يصير في شي لا سمح الله
ليش أهو إلي يتحمل .. حرام
على قولتج من زرع حصد
إلي بيجابل ويربي بيجني خير
وإلي بيكشت وطاف .. للأسف ماراح يجني شي
الله يعين
الله يسلمج حياتي
بركان
البركان الثائر
وينك الله يهديك شهالقطاعة
فعلا مثل البركان أيام هادي وعقبها يثور
لكن يخرج من ثورانه الجواهر الثمينة والمعادن الغالية
حيالله بركان
هذا زمن العجائب والغرائب
إخص عليك يا زمن
بإت تربية الولاد .. تربية خدم
بدال ما يقول الياهل ماما
يقول لاجمي وإلا ميري
وألحين الهبة بالأثيوبيات .. دادا
غريييييبين
الله يستر
وردة حب
وردة حبي .. آسفة يا قلبي
العتب عالنظر
للأسف هالنوعية من الناس مو مقدرين نعمة الذرية
الله يهديهم
الله يقويج حياتي
مشكورة
manalq8
عااااااشت منولة عااااشت
عفية عليج .. لاااا للخدم
الله يعافي الوجبات السريعة إهي إلي زادت المتن
عسى ما بغوا الأهل عيالهم يطلعون قالوا للخادمة طلعيهم ومشيهم
فشتسوي الخادمة .. يا ترى؟؟؟
السايق يوديهم عند أقرب مطعم وجبات سريعة عشان تفتك من عشى اليهال ولما يلهى باللعب بالدوارف إلي بساحة المطعم تكون مشغولة بالتعارف على ابناء جلدتها المتجمعين والمتجمهرين هناك
رأي سليم نابع من تفكير راقي
تسلمين منولة
أشكرج
vancouver
وصلت حق الطش والرش
يا هلا وسهلا
حيالله فانكوفر
حبتج العافية
صح لسانج
تدرين وين المشكلة
المشكلة الله يسلمج هي بالأساس
يعني لما الأم تكون متعودة عالخدامة ومتربية على إيدها ودايما معاها .. فشي طبيعي بتسوي نفس الشي مع عيالها
لأنها فقدت حنان الأم ماتحس بقيمته بداخل قلبها
فشلون بتعطيه... فاقد الشئ لا يعطيه
الله يلعن ابليسج يا فانكوفر ذكرتيني بأبلة الدين أيام الثانوية
من شطانتنا تين فدايما تقولنا: ده شئ بيحزن
:))))
أمبيه يا فانكوفر أمبيه
واااي واااي بطني
ههههههههه
ههههههههههه
الله يغربل ابليسج ضحكتيني
الله يذكرها بالخير دايما توقفنا بالحصة .. تخيلي طول الحصة إهي تشرح وإحنا واقفين
يا زين شطانة قبل
ذكرتيني بالذي مضى
آه يا قلبي .. مليان قلبي مليان يا ليت ترجع أيام قبل
عموما
نرجع حق حديثنا
فعلا الخسارة الكبيرة بآخر المطاف
للأسف
الله يعين
دمتي سعيدة
ده شيء بيحزن
:P
لوووووووووووووووول
احنا اذا الله غاضب علينا بشيء
فهو البهذله اللي بهذلناها ابلاتنا مسااااااكين
كانوا ابلاتي يقولولي
انه اللي راحمني تفوقي
والا جان عرفوا اشلون يعاقبوني على شطانتي
عيل اكتب نكت واوزعها على البنات
والابله تشرررررح مسكينه
تلف وييها على بالبنات
والا يكركروووون ما تدري على شنو
تنقههههر مسكيييينه
لوووول
يبيله الماس تكتبين
بوست عن مغامراتج ويا الابلات
هههههه
اشراااايج
vancouver
ماشالله عليج كأنج تقرأين أفكاري
قاعد أدوزن هالأيام بوست للمشاغبة داخل الصف بالمدرسة
والمقالب والحركات الأكشينات
لكن الفصل إلي سويتيه بأبلاتج عجييييييييب
هههههههههه
هههههههههه
:)))
دمتي بحب وسعادة
صادقة بكل كل كلمة كتبتيها
بس منو يسمع!!؟
القيم راحت..للاسف
مساالورد والجوري
غاليتي الحبيبه
اغلا الماسه
حمدلله علي السلامه
غطيتي فترة طويله
):
بس اشوه انج اليوم بينا وحوالينا
وعلي طاري الامومه الضائعه تري هذي الموضه السخيفه اللي هابينا لنا فيها
والله يعين هالعيال شلون بيطلعون
؟؟؟؟
دمت كما انت الماسه
براقه
ابدا
:*
عثماني
أشكرك عزيزي
إيه والله منو إلي ليلحين متمسك
للأسف الدنيا زينت العقول
الله الهادي
فراولة
فراولتي العزيزة
مشكورة حياتي عالكلام إلي طالع من القلب إلى القلب
الله يسلمج انشغلت شوية لكن حبايبي اصدقاء التدوين دايما في بالي
الله يعين هالأجيال وانشالله الله بيحفظهم
مشكورة عسولة ما قصرتي
فراولة آنا ألماس تعليقي إلي فوق مادري شصار بأكاونتي
استين الظاهر
عموما هذه أنا
ألماس
انا بصير شاطر وبسمع كلامج
براك
عفية عالشاطر
hii masaaa
شخبارج شمسوية وينج رديتي اختفيتي مره ثانيه؟؟؟
بغيت اقولج انا بغر جم شغله في بلوقي و بغيت اذا ماعندج مانع انه اخذ ايميلج اذا اوكي لول مو غصب امبي مابي احرجج بالسؤال بس عشان تقدرين تزوريني بعدين بدون مشاكل
طمنيني عليج خيتوو
salamz sis...
خروفة
يا أهلا وسهلا
كيفك خيتو شو أخباريك شو عاملي
عم بدفشي بالدني
نحنا زات الشي
الله يسلمج هذا إلي يسمونه وورك إلي أهو الشغل ما يخلي الواحد يهيع
تصدقين كاتبة ست بوستات بس ناقصهم الفينيشنغ بس ماكو وقت .. يا مالهم العافية .. ما يعطون فجة
شنو ذي .. إي واااااالله
بس دايما أدش وأقرالكم .. آنا ماقدر أستغني عنكم حبايبي مواااااه
غالية والطلب رخيص
هذا إيميلي
valerina9@hotmail.com
وآنا حاضر لكل إلي تطلبينه
جاو جاو
في شي غلط
و مشترك بين الرجل و غيابه
و المرأة و تحكماتها و ادارتها الخاطئة
الله يستر على الجيل الياي
مانتوفاني
:) خوش بوست
mantovani
معناته لازم نأسس عدل عشان يطلع البنيان عدل
أشكرك عالزيارة
بمزيد من التواصل
Mok
تسلم يا خوي
أشكرك جدا
يا سلام عليج..تسلم يمنااج والله على هالموضوع الطيب
zgombey
الله يسلم عمرك
مشكور ما قصرت
تواجدكم الطيب
وشكرا عالزيارة وبمزيد من التواصل
نعم لقد فقدنا هذه الايام مناظر العائله السعيده
والحنان الاسري
بيني وبينج الموضوع كله يعتمد على الرجل
اذا الرجل
لاهي ولا يدري عن دور الزوجه بالاسره
ولا يجرء ان يعلم الزوجه دورها بالحياه الاسريه
فأكيد راح تكون هذه النتيجه المأساويه
وشكرا وسلمت يدك على هذا الطرح الطيب
مو الام اللي تولد
الأم اللي تربّي
..
زمن غريب
تعاليل
اقدر رأيك لكن في شي مهم
أين غريزة الأم وين احساسها بعيالها بغض النظر عن سلوك الريال وحضوره وغيابه
الأم إهي الأساس
الأم مدرسة إذا أعددتها
أعددت شعبا طيب الأعراق
الله يسلمك عزيزي
مشكور تعاليل وبمزيد من التواصل
مناف
لكن في حيرة بالموضوع
أم تحمل تسعة أشهر
وأم تربي
أيهما الأولى
لحد اللآن اختلف فيها العلماء والقضاء
فعلا حيرة
مشكور عالعودة
أشكرك عزيزي
دايماً يقولون إن دعاء الأم
بفترة الطلق وايد قوي عند رب العالمين
لأن الآلام اللي تمر فيها
بروحها من غير زوجها ألام مو طبيعيه
و التربيه أخوي مناف
مشتركه بين الزوج و الزوجه
عرفت الفرق!؟
لا تقط التربيه على الجنس الناعم
لأن آلام المخاض !! خاضتها بروحها
;p el esem ghala6 lol
يعور القلب يصراحة
سلمت يدك
زمن اغبر الله يستر منه
Post a Comment