إجازة صغيرونة نونو .. بس كان فيها الجنون كبيرأول يوم كان حليفي .. النوم
نمت نومتن سنعة
وبما إني رئيسة العصابة .. أجريت اتصالاتي وبلغت الأخوات العضوات بنات الخال بأني في إجازة
وكان جدول الشطانة كالتالي
اليوم الثاني
رحنا البحر على أساس الشوي والأناسة جهزنا غريضاتنا وإلى الأزرق الكبير
يالله خير بنت عمتهم إلي إهي آنا خوافة من البحر .. خوف عجيب
يادوب أخطي عاليال
مع التمشي والتغريزة بالبحر .. ينادوني تعالي .. الماي حليو
آنا عييت .. وتعذرت بتجهيز المشويات
المهم شوي شوي قصوا علي الملاعين .. وجان يدزوني .. وطبيت هذيك الطببببببببببة
أويلاه علي .. ماقمت أشوف جدامي .. صرت مثل توم لما تطيح على راسه الطابوقة السودة وتلف حواليه طيور صفرا
بأطلع .. طلعووني .... وإتيي بنت الخال وتغطس راسي .. كانت لحظة .. آآآآآآآآآآآه ما أنساها
النقذة .. النجدة .. أنقذوني
وعقب اللعب والركض شوينا هذاك الشوي الطيب .. فنان ولد الخال ماشالله عليه
هبسنا (أي تغدينا) وغصنا في المشاوي اللذيذة
هاليوم حده كان وناسة
اليوم الثالث
أيضا مع العصابة
كان يوم كلاس تغدينا في مطعمي المفضل .. لي نوتر
ويعقبها تمشي بسوق شرق .. وتقرصننا بفيلم القراصنة .. طويل .. بس ممتع
تأخرنا .. انزفينا .. حطينا روسنا ونمنا .. ولا جنه صاير شي .. عادي
اليوم الرابع
من نصيب عيال خواني قشيتهم كلهم ورواسي .. السينما فيلم باباي والألعاب والإنطلاق الطفولي
اليوم الخامس
مشروع طباخ من أنامل أيادي أفراد العصابة
خوش طبابيخ الساعة 3 بيدنا بطبخ الغدا
وأحلى شي .. إن إحنا معزمين على طبخة القبوط بس الثوم كان مر شوية
هذا إلي ردنا للأسف
وإلا .. جان على طول
إي بالمشمش نسوي قبوط
لاه بس بالآخر بيضناها .. الله يعافي الفرن .. والحمايس
ف الغدا أصبح عشا
وإحدى العضوات تبرعت وراحت يابت لنا أفلام .. وحمستنا .. أفلام إثارة لا يطوفكم قصص عجيبة
وآخر شي .. تطلع أفلام آكشن
بالله عليكم شنسوي فيها؟؟؟؟؟؟؟؟
اليوم السادس
طبعا كان لازم أهيع عقب هالهياتة
فهيعت بالبيت
اليوم السابع
نوم ..زوارة العايلة.. يظة يهال .. اليوم العالمي للطبخات وإلي بتضعف تنسى شي اسمه ريجيم
يالله على أمل إيي يوم السبت إلي المتان بيبدون فيه الريجيم
أقصـــــــــــــــد الأحـــــــــــــــــد
12 comments:
اجازة بالكويت ما تسوى
:)
حمدالله عالسلامة
احم احم
بسم الله الرحمن الرحيم
و به نستعين
ممكن أنضم معاكم للعصابة؟
خووووووووووش عصابة و دام انتي الرئيسة بعد خلاااااااااص ما يبيله
أحسن شي سويتيه النوووووووم
يختج الواحده يبيلها يوم كامل فقط للنوم تعوض فيه سهر الليالي
ويييييه ألماااااس
بدت الاختلافات بينا تظهر
انا أحب البحررررر
و ما أخاف منه كلششششش
يا سلااااام
بلعة و سينما
شيبي الواحد اكثر من هيك
و اليهال و برائتهم
يا زيييييييينهم زينااااااه
غلطانيييين
قبوووووووووط
ليييش؟
أكو طبخات خفيفه و لذيذه تخلص ب 10 دقايق
مثل
هريسه
و لا جريش
هههههههههههههه
بس و الله خوووووووش اجازة الله يهنيج
حلو اواحد يغير جو و روتين الشغل
حتى لو ما سافرنا
أصلا انا أحب الكويت بالصيف
ماكو زحمة و هدوء و كل شي مكيف
و اذا سافرتي تشوفين الديرة كلها برة
مادري متى باخذ اجازة؟
:(
مطقوق
شصوي يت فجأة
ماكان لها أي تخطيطيشن
مديرنا الله يحفظه يتله سفرة مفاجأة.. فقلت فرصة أريح شوي
وبعدين الكويت الحمدلله كل شي فيها
وآنا وحدة قنوعة .. استانس بلحظتي وأستمتع فيها
الله يسلمك
بيربل
إيه حياج .. تفضلي عالبوفيه
إنتي تهبين البهررررر
آنا أهب البهر بس منزر
ياختج أخاف أحط رويلاتي فيه أحس ماتحتي شي وهالشعور بالذات ما أعبر عليه
والله لو شصير ماأجازف
إلا عاد إذا بتعطيني مليون مقابل هالمجازفة .. آنا ما عندي مانع
أحلى شي بالدنيا البلعة
بس السينما .. يا وخيتي قاموا يتيرعون مايستحون ولا ينتخون الملاعين مايقطعون
بالله هذي حالة
هذا الحب قبوط
أكلتي المفضلة
أغوص بالقبابيط .. غوص وعلى فكرة لما آكله ترا ما أسمع أحد ولا أسمع شي أفصل عن العالم .. خاااااااموش
ولا إذا كان من إيد الوالدة يا سلاااااام
قبوطي حبيبي
تصدقين عاد .. فكرنا بقوزي عالسريع
تدرين ما يبيله شي سهالة
إنتي .. آنا أحبج
نفس الشعور أحب الكويت وقت الصيف
إيه والله صاجة .. الواحد يغير الروتين والأحلى إن إيي التغيير فجأة .. وبالطبع يكون حلو
الله يرزقنا والحاضرين كل شي حلو
قولي آمين
اخذي اجازة شهر 8
أنسب وقت
مشكورة ما قصرتي على هالتعليق الحلو
يا حلاتج جنج قاعدة معاي بداري وسوالف
بيبي عندي امتحان يوم الأحد .. ادعيلي
أخيتي حبيبتي
لوووووول
اهم شي سبت الامتان
لوووووووووووووولى
اعجتني الفكرة انه رااح يصير الاحد
خوووش فكرة
صج ضحكت علييهاا
وعقبال اجازة سعييدة مع العصابة في
جزر كوريا موريا
الحمـــــــــدلله انج استانستي وغيرتي جو .. وكسرتي روتينج
:)
--
اشوه في احد مثلي يخاف من البحر !!! ؟ بس احب اشوفه ^_^
--
والله يحليلكم طلعتو تعرفون تطبخون --> شدعوه ذايقة الاكل ;p
لا والله الحمدلله فيه مجال انكم تجربون تدشون المطبخ .. احم احم
آنه تخصص سويييييت فقط لاغير
tresten
فعلا سبت المتان
كل سبت يعزمون يبدون الريجيم .. ما نفع معاهم .. يالله خل ينفعهم القرار اليديد .. الأحد
عسى دوم مستانس
عصابتي المصونة
جاهزة بأي وقت
حتى جزيرة كالي ماري
relaaax
فكرة إني أحط رويلاتي بالبحر .. فكرة فيلم رعب صجي
بس أحب أشوف المنظر .. أحب نسايمه .. أحب صوت الموية لما توصل اليال
بس سباحة لأ
ده مستحيل ألبي يميل
شفتي شلون خابين عمرنا وشطة والحالة حالة .. وبالآخر معكرونة بالفرن
سبانخ محموس مع فطر ولحم مفروم
انتي انضميتي إلى أفراد العصابة
ومعانا بيربل
بما إنج فنانة سويت
حياج تفضلي معانا عالبوفيه
لوسمحتي بغيت مارون قلاسيه
وموزمبليه
وعليهم فستق سواريه
الراحة حلوة
بس الجو ما يساعد :)
مشاري
عدل الراحة حلوة
إن بغينا ساعدنا .. وإن ما بغينا عيت النفس تبغيه
أحس شي الطلعة وقت العصر
أي نعم الشمس تصقع
بس في سبيل الطلعة بعد الضغط كل شي يهون
وااي يبيلة اجازة حلوة وبسيطة مثل اجازتج
يبيلي يوم كامل اقضيه كله نوم أعوض فيه نقصي للنوم وأعيد شحن نشاطي لول
وبعدين تحلى الإجازة والوناسة : )
بصراحة احسن شي سويتيه
كسر روتين واستراحة
shahad
تصدقين عاد ودي يقترحون يوم دوام ويومين اجازة عشان الواحد يقدر يجدد نشاطه
يقدر يطالع التلفزيون .. على فكرة آنا غرامي التلفزيون صديقي الأول
وأيضا يقدر يروح .. يطلع .. يسير
كسر الروتين لابد منه
أحيانا من رغبتي بكسر الروتين أغير طريجي للدوام
يوم عالرابع .. يوم عالخامس .. ويوم من طريج البحر
ومرة شفت بالتلفزيون برنامج ديني يحث على ضرورة راحة النفس والترفيه عنها لأن الإنسان محتاج وما يقدر يعيش على وتيرة وحدة
فكسر الروتير لا بد منه
Post a Comment