أدري يننتكم .. كل شوي أغير ديزاين البلوغأيام قبل .. لما أبوي إييبلنا حلاو وككاو كنت أسئله من أي مكان يبته من داخل الحلويات وإلا السلة إلي يم الكاشير
مع إنه نفس الشي .. نفس القرطاس والطعم .. آنا لأ .. إلا أبيه من داخل قسم الحلويات
لما أروح المطعم .. مع الأهل والأقارب .. لي طلبات خاصة بموقع الكرسي
يم الشمس لأ
موسيقى عالية لأ
عند التدخين لأ
وإذا كان المطعم عالبحر .. لازم آنا إلي أقعد صوب الجهة المطلة للبحر
وإلا ترى البوز جاهز ... وأمتار بعد مو شوية
غرفتي العزيزة غيرت لونها مرارا لأن في بالي درجة معينة محد قادر يوصل لها
فقمت وخلطت الألوان بنفسي .. وأيضا صبغتها بنفسي
لأن الصباغين علو قلبي
وبشغل إيدي طلعت اشزينها
أمي تقولي .. بسج .. كل يوم مغيرة .. الداد لها هالطوفة
أرد أقولها: يما عادي .. اللون طلع فللللللتة بس ناقص النقش بالذهبي وتطلع الغرفة أخييييييييييييه
جاهزة الرسمة بالرصاص بس أنطر أمي تنسى .. عشان أنفذ الخطة
آنا غرامي الألوان والتصميم ومتعتي الأولى
أحب أسوي الشي كامل
وعقبها أرتااااااااااااح
لأنه يكون ببالي شي معين .. وإن ما كان بالشكل إلي بالبال .. النتيجة لن تكون مرضية بالنسبة لي
عندي مشروع صارلي سنتين وآنا أشتغل فيه من بنات أفكاري أشيل وأحط وأضيف وأغير
لأن في بالي صور محددة لا تتغير .. ولازم أوصل لها
لكن بعد باااااااع طويل من التغيير .. حتى أصل للإقتناع الكلي
نص ونص أو ثلاثة أرباع .. لأ
لازم كلي
هل في أحد مثلي عنده هالمشكلة ؟؟؟؟؟؟؟؟
خل يآزرني وينضم للإتحاد
لأن بالإتحاد قوة
33 comments:
غاليتي الماس
كل شي تختارينه حلو وجميل ولايق
عليج لا يق
وهالمره الديزاين وايد
مريييييح للنظر
مثل صاحبته
دمت براحة وحب
دائمين
:)))
الحمدالله لا
بس الله يعافيج كل شى ولا البوز مااااااا ابلعه
احب الانشكاح واشوف الضروس :))
شخصيتج وااايد صعبه
اذا كل يومين مغيرة
مشكلة
والله ضحكتيني على الحلاو
من يم الكاشير ولا من قسم الحلويات
ليش يعني ترا نفس الشي
وكلمتج الأخير بالأتحاد قوة
ذكرتني في مسلسل كرتوني قديم اسمه ابطال الملاعب
حميدو شامل
:))
لا وايد حلو التصميم اليديد
فيه انوثه طاغيه
على طاري القعده بالمطاعم
لي رحت مطعم من مطاعم البحر
المعروفين كله احب اعطي ظهري للطاولات
يعني ما اتهاوش على الفيو المناسب
ولازم اجابل هالطاوله وخزني واخزك
اكثر شي احب اخزه بالمطعم اهو الصحن
وطبعا يكون فيه الطلب
:)
الصراحة شي حلو انه نعرف عنج اكثر
بس الشي اللي مو حلو شروطج شوي صعبة الله يعينهم اهلج عليج لا تزعلين
مشكله المزاجية اللي فيج صعبة
والله يا مسك
التغيير مطلوب احيانا
بس مو بكثرة
انج تغيرين ستايلج على طول هذي ممكن افهمها لأ من هالنوع
انج تغيرين غرفتج عز الطلب لني احب اغير بغرفتي وايد
وبس تكمل احس اني محتاجه للتغيير مره ثانية
اعتقد هذي طبيعتنا احنا القوارير
نحب التغيير لين ايينا اللي يركدنا
الله يرزقنا ويرزقج يارب
فراولتي العزيزة
مشكورة وايد وايد عالكلام الحلو
أهم شي يكون مريح لكم
مشكورة يا بسكوتة
مشاري
هاهاهاهاهاها
هذي ضحكتي وآنا منشكحة
تصدق عاد ما أقعد مرتاحة بشي مو مقتنعة فيه والمحاولة مستحيلة
بس فس حل ثاني
أقصر بوزي شبر بدال الشبرين
7osen
لا مو سيم سيم
هذا بطيخ جيب رقي
ههههههه
شخباااااااري
حميد وشامل
أوللا .. أوللا .. أوللا يا الغبار
من زمان هالباباي
وناسة بسرعة يقولون
القول عندهم سهل
جان زين بالصج جذيه
مناف
أشكرك أخي العزيز
رفعت معنوياتي
ولا وأزيدك من الشعر بيت
ماأحب المطعم إلي ريحته أكل
أول ما تدش ريحة الطباخ تكفخ بالويه
هالنوع لا يمكن أدشله
أحب الكلاس .. الرايق .. الواحد يحس بالجودة
مسكين هالصحين .. مايكفي الأكل الحار إلي متلشوط منه .. بعد إييله خز
بالنسبة لمنظر البحر
أحرص إني أكون مجابلته أو يمه
لأني أعشق الإنطلاق والمساحات إلي تعطي شعور بالراحة والهدوء
طيعني البحر أحسلك
راحة وأناسة
يبيلة وناسة .. حظ وألماسة
ياينا رمضان الله يعينا فوازيز وحزازير
المهم جرب القعدة جدام البحر وشوف شلون بتستانس
الاستاذ بلاليط
عندي مزاجية
عاد تصدق ساعات لما ما ألقى الشي إلي أبيه وإلي ببالي .. راسي يقعد يعورني
وأصر على إني ألقاه
أبدا لا زعل ولا حاجة
ما تشوف أمي ساكتة عني .. لأنها تدري فيني
آنا أقولك .. كل واحد عنده مزاجية لكن نسبتها متفاوتة من شخص لآخر
وهالمزاجية لها مناخ مرة شمال
مرة شرقي
مرة كوس
مرة عالي
مرة هدوء
لأن الحياة ليست على وتيرة وحدة فيتأثر منها الإنسان وعلى حسبها مزاجه يتشكل
مشكوره وايد على تغيير الوان الخلفيه
صارت القراءه سهله وممتعه
التغيير سمة حلوة
تحياتي
zozota
آنا جدا أحب التغيير بكل شي
والله شوفي .. آنا ما أعتقد في شي .. أو تأثير علي من شخص يركدني
إهي الركادة زينة .. بس ما أقدر عليها
أحب ألوي
بس آخرتي بهيع
وشكرا عالزيارة الأولى
شكرا
Oracle911
العفو
أهم شي راحتكم عند القراءة
أحلى شي بالدنيا التغيير
شكرا عالإطراء
التغيير مطلوب
بس مو كل شوي عاد
يعني ملي منه بالأول وقعدي في فترة وعقب غيري
سؤال خطر على بالي
بالنسبة لشكلج تحبين كل شوي تغيرين فيه بعد ؟
أحس هالشي متعب
حلو الديزاين الجديد
انا احب التغيير بس مو وايد وفي كل فترة
لان عندي مشكلة الارتباط باشيائي
ألمااااااااااااس
بسسسسسسس
تكفيييييييين
أرجوووووووووكي
ترى مو حاله كل ما أدش بلوقج حسبالي داشه بلوق غلط
كل يوم غير
هههههههههههه
سويلج تصميم خاص فيج يرضي غرورج
بعدين ترى كل ما تغيرين البوستات اللي قبل تتخربط الخطوط و الحاله حاله
شوفي أحسن شي نقيلج اربع تصاميم بالسنه
كل فصل تصميم
مو كل شهر
!!!!!!!!!!
يالله بالصيف أسمحلج تغيرين مرتين
عشان حر
و طويل
واااااااي الماس اش هالعساره
لا لا حبيبتي
أنا ما يعجبني الدلع
هههههههه
لا حبيبتي تدلعي و لا يهمج أحد
جم لموس عندنا
ادلع يا كايدهم
:)))
انا عكسج تماما
عفيه تعالي صبغي داري و غيريلي الديكور معاج
هههههههههه
بس اذا بتعلين قلبي مو كل شي يعجبج لا يبا ما نبي هونا
:*
شهد
الشهد والعسل
آنا ملولة بشكل سريع .. بسرعة أمل من الشي
زائد
أحب الشي اليديد
مثل كلام أمي دايما تقولي ملي من الشي بعدين غيري
بس ماكو فايدة
قصدج اللبس؟
شدراج عني؟
إيه أغير .. ماتتصورين شلون أحب التجديد
مش متعب ولا حاجة .. بس التنويع حلو
إذا ياية عاللبس مو مشكلة
المشكلة عند الممثلين والممثلات والمشاهير
كل يوم نيو لوك وعمليات تجميل .. ما يمديننا ننسى
مايهيعون من لوك ليه لوك
تلكلكوا وقعدوا
مملوحة
حلو التغيير والتجديد
إنتي قصدج الوفاء للأشياء
طبعا أكيد موجود
بس إلي أقصده
الأشياء القابلة للتغيير
الوفاء للأشياء حلو
تصدقين ليلحين عندي القصة إلي طلبوها منا بمرحلة الروضة
اسم القصة ثامبلينا
موجودة ليلحين بالمكتبات بس الطباعة اليديدة
إلي عندي طباعة قديمة .. جدا أعتز بهالقصة تذكرني بطفولتي
عندي أشياء محظور تغييرها
بيربل الحب البنفسجي
يا هلا وغلا
الله يغربل ابليسج
موتيني من الضحك
ههههههههههه
لالالا صح .. هذي آنا إنتي مو داشة غلط
التغيير
جنج حاسة فيني على إيدج دليني على موقع تصميم التيمبليت على هوى ما الواحد يبي
ألحين عاد الفكرة تدور براسي
شيشتيني .. زين جذيه
ههههههههههههه
ياختج فيني حرة
بشنو أحط حرتي ..ووين أوديها
أكيد مالي غيره .. التغيير
بس أوعدج هذي آخر محطة
لأني أعشق البحر
لازم أصير دلوءة لأني الجعدة .. آنا النونو آخر العنقود
إنتي جهزي السلم وفضي الغرفة وكاني يايتج
والله فكرة ليش ما أفتح لي مكتب ديكور
وناسة وربح
عالعموما
التغيير شي حلو ولابد منه
وأحيانا الواحد لا شعوريا يغير الأشياء
لأن التغيير مطلب أساس بالحياة
انا بحاول كثر مااقدر احطم الاتحاد مالج
انا صديق الجمود مااحب التغيير
allah ihaneech bthogich il7ilo ili raqi mithlich
ana a7ib ilta'3yeer wi astanis 3leeh, bs ana min ween le ween lama a'3ayyer :)
انتي ملولة
براك
بتحطم اتحادي
بالرزة المزدوجة مالت غريندايزر
وإلا
الصحن اللولبي مال الرجل الحديدي
بسم الله توني ما مداني
بتحطم اتحادي
خنا استانس بالمنصب شوي ... عن خاطري
وبعدي حطم على كيفك
بالعكس .. التغيير خوووش شي
هدك من الجمود
سالفة عجيبة
إي والله صاجة يا وخيتي
التغيير حلو
لكن أوقاته متفاوتة من شخص ليه شخص
شكرا للزيارة الأولى
وأشكرج عالإطراء
مطقوق
بالضبط
إنت يبتها ريت
ياخوي مادري ليش أمل بسرعة من الشي وأحب أغيره
ليما تبرد الدودة
مادري متى تهيع هالدودة
tra u r tagged:)
كل شى ازرق وفيه بحر يشرح صدر ى ويسر نظرى
الدزاين حلو
لا اتحاتين
ههههههههههه
صباح الورد
مشكوره على هالبوست ويعطيج العافيه
أكو وايد شغلات مشتركه بيننا
ومنها إني آنا اللي أصبغ داري وغرف كل خواتي ودايما يستشيروني بالألوان
وحتى اللاند سكيب مال الحديقه
لما يبنا واحد نفذ ثلث الشغل ما عجبنا
عطيناه فلوسه وصممت كل شي بنفسي
وراح أحاول أنزل بعض هالتصميمات
عندي بعد فتره
بس بالنسبه حق المطاعم
إذا كنت رايح مع مجموعه
فآنا آخر واحد أقعد وأتم بعيد
خطوتين عن الطاوله علشان
اللي معاي ينقون المكان اللي يريحهم
ولو إن لي طلبات معينه بالأكل
وما أحب أجرب شغلات يديده
يعني الأولويه حق اللي أعرفه
ودايما يوصلني الطلب غلط
يعني آنا قايل أبي تشيز بيرقر
مع خس بس
يسألني حضرتك عايز جبنه مع
التشيز بيرغر!؟!؟!؟!؟
hehehehehehehehehehehehehe
ونفس الشي ينطبق على غرفة الأوتيل
وإختيار السرير
ولو إني أتضايق لما الشخص اللي وياي
ما يهتم حق هالموضوع وأقول
عالأقل خل تطلع منه مره واحده
It's always nice to change
even things in us mo bs fel pages.
And thats very useful to feel
refresh again :)
Thanks wayed
سالفة عجيبة
from whom???
وإذا قصدج عالإخوان
والخوات .. من خلال التعليقات
يمونون .. عزيزين وغالين
كاريزما
كروزتي الحبيبة
أهم شي ترتاحون عند القراءة
والأجواء الخفيفة
ونسمات صيف فرايحية
دامكم مرتاحين .. طمنتيني
hamdool
عاشوا .. عاشوا
عاشوا .. والله عاشوا
هية
وأخيرا لقيت أعضاء لإتحادي
تصدق عاد .. آنا إلي أسوي الديزاينات والألوان حق بيتنا
وكذلك أهلي دايما يستشيروني بالديزاينات والأفكار والألوان
بزاوية صالة الضيوف مسوية عالطوفة نقش اسلامي
زائد ديكورات الرسمة والإضاءة وألوان الفرش .. يعني زاوية متكاملة
متعتي الحقيقية
إنيي حق الصبغ
أصلا أحلى شي .. لما الواحد إيي يصبغ
بس بذمتك مو وناسة؟
أكيد وناسة
بس على شرط ثاني يوم اجازة .. لأن أكيد مافي قعدة مبجر
حلو التغيير
حلوة .. حلوة .. يوصلك الطلب غلط
هههههههههه
آنا أحب أجرب اليديد وإلي مزاجي يحبه
وغالبا ما تكون أشياء غريبة
مثل .. أحب اجتماع طعمين الحامض والحلو
أحب الصلصات الغريبة
بس على شرط تكون مكونات الخلطات محببة لي
مكاني ما أتنازل عنه ... مقابل البحر
أشكرك جدا على زيارتك الأولى
وأسعدني وايد تعليقك
ومن الآن أعلن توليك منصب نائب رئيس الإتحاد
شكرا
ويييييييه دام إني بصير نائب
يعني لازم أقول القسم بس أدري
الثقه موجوده وماله داعي
كل هالشكليات .. صح؟!؟
آنا أستمتع وآنا أصبغ بالفرشه
مو بالرول .. ودايما بالليل بعد
ما ينامون الأهل علشان يقعدون
الصبح جنهم داشين بيت يديد لوووول
أحط جريده وحده إحتياظ ولو إني
ما أطيح عالأرض حتى نقطه من الصبغ
بس إحتياط وأشغل
CD music
وأكثر شي يبيله فن وتركيز الزوايا
لأنها وايد صعبه
أحب تركيب الألوان
وأموت على تصميم الحدايق
والإضاءه مالتهم
وبما إني مخرج فأدور الشي اللي يريح
عيني وعين المشاهدين
hehehehehehehe
Thanks wayed 3ala ur comment ..
w all the best for you ..
Post a Comment