لازم

لازم ... لازم ... لازم

لازم يمنعون المرأة من سياقة السيارات الكبيرة مثل الجيبات.. والجمسات

لازم يلغون مصطلح "أي شي" من الكلام

لازم يشيلون الزري والترتر إلي يتلامع من قمصان الشباب

لازم يمنعون بنطرونات اللوويست من السوق

لازم تنقص قذلة كل شاب أكثر من 5 سم

لازم يمنعون الجاي والفلافل أثناء الدوام

لازم يمنعون الحب والمكسرات إلي بأدراج الموظفات

لازم يمنعون السيليكون في الكويت

لازم الأزواج يرضون بزوجاتهم السمينات

لازم الزوجات يرضون بأزواجهم المكرشين

لازم يعطون كورس قبل الزواج لكلا الزوجين في فن اللباقة الزوجية

لازم يمنعون الحديث عن الرجيم منعا باتا

لازم يكثرون من محلات الكنافة

لازم يسكرون محلات الرهش لأن من حبي وكثرة أكلي لها انبطيت منها

لازم يمنعون الخريط من عند الحواي

لازم يمنعون التدخين في كل مكان حتى في غرفة النوم و(حشاكم) بالحمامات

لازم تتغير أكلاتنا من مجابيس ليه كرواسان وماشروم بالجبنة السويسرية

لازم ينلغي مصطلح مكينة 1 و 2 من قاموس الشباب

لازم يشيلون حرف القاف من كلام الفلبينيين لأنه يطلع من داخل البلعوم ... جنه فيهم كحة مو راضية تطلع

لازم يصممون موديل جديد لحجاب الأندونيسيات

لازم يقضون على الزيت إلي يستخدمونه الهنود .. ريحته قوية

لازم يمنعون العشا بالبيت المفروض يكون برة البيت عدا أيام الرطوبة والغبار والمطر

لازم يحطون زحلاقية من البيت ليه الدوام منعا للزحمة وعشان نوصل بسرعة لدواماتنا

لازم يشرطون عالمعازيم بالأعراس يصفقون معدل 150 صفقة بالدقيقة

لازم ما تتغير زفة المعاريس "هب السعد" و"يامعيريس" لأنها أحلى زفة ولازم تظل إلى الأبد وبلا الفناتق

لازم يلغون من العرس مقطع تلبيس الشبكة للعروس لأنه الزوج المسكين يتوهق بهاللحظة

لازم يعفون إلي شعره كناكر من الدوام يوم الرطوبة

لازم يلقون حل حق كشة اليهال بعد اللعب

لازم يمنعون بيع عصير السانكست لأنه بس يخلص اليهال يحطونه بين عجلة القاري والحديدة يعني سيكل بس ازعاج

لازم يحطون جهاز منبه بالمواقف لما واحد يسكر عالثاني شكثر تصير فيني أقربها أمس.. وأقعد أنطر ساعة

لازم يخصصون لنا وقت اجباري للسبا والتدليك والسباحة (الله غرامي السباحة)وغيرها من الرياضات الحلوة

كل شي يبيله تغيير .. كل شي يبيله هوبيلااا من أول ويديد