فتحت عيني ... عيني على شوفة محياجوعيون .. وعيون تنظر لي بحنان
وتعودت روحي على مبسم ثناياج
أمي ... يا كل الأمان ... كل الأمان
أمي ... يا كل الحنان ... كل الحنان
يا أغلى اسم بلساني غنيته
يا أغلى رسم بعيوني خشيته
ليه ضاق صدري وزادت أحزاني
من غيرج ترى .. يا يمة يرعاني
يا نهر جاري .. جاري .. على مر الزمان
أمي ... يا كل الأمان ... يا كل الأمان
أمي ... يا كل الحنان ... يا كل الحنان
يا حمامة وآنا بأحضانج ربيت
يا جفن ساهر ... ساهر .. إذا آنا شكيت
أنام الليل وإنتي تسهرين
ليه شربت الماي .. قبلي تشرقين
كل كنوز الدنيا ما تعادلج يا يمة
الحنان إلي بعيونج أشوفه
كل كنوز الدنيا ما تعادلج يا يمة
نظرة من عينج ... من عينج عطوفة
ليه ضاق صدري وزادت أحزاني
من غيرج ترى يا يمة يرعاني
يا نهر جاري .. جاري ... على مر الزمان
أمي يا كل الأمان ... أمي يا كل الحنان
إعذريني .. عمري ماوفيج حقج .. عمري ماوفيج حقج
آنا قطرة ماي .. يا يمة في بحرج
مهما أسوي .. آنا بعيوني لج أضحي
لو أضل عمري أدعيلج .. لو أضل عمري أدعيلج .. مايكفي
عمري ما أطلع .. ما أطلع من جزاج
يحفظج ربي .. ويخليج
يا عسى عيني .. عسى عيني ما تبجيج
ليه ضاق صدري وزادت أحزاني
من غيرج ترى يا يمة يرعاني
يا نهر جاري ... جاري على مر الزمان
أمي يا كل الأمان ... أمي يا كل الحنان
للشاعر / عبدالأمير عيسى
بعد 20 يوم بدءا من اليوم الإحتفال بعيد الأم .. كل عام وجميع الأمهات بخير وسلامة والله يديمهم ويخليهم لعيالهم ويخلي عيالهم لهم
أعتقد والكل متفق معاي إن يوم واحد لا يكفي ولا حتى أيام العمر كلها ما تكفي .. لأن الأم تستحق أكثر من ذلك
الأم منبع وماء دافق لا ينضب .. وعطاء بلا حدود
4 comments:
والله الأم
نور الدنيا
والله يخلي لنا أمهاتنا ويحفظهم
ويقدّرنا نفرحهم ونرد لهم ولو شي بسيط
شاكرة لك أحاسيسك الراقية
ودمتي بود
هلا بميامي هلا
نور الدنيا ونور الكون كله
الأم عظيمة
في أحد الأيام سمعت هالقصة .. وماعندي علم إذا كانت حقيقية أم من وحي الخيال لكن معناها حلو
سمعي ياأختي الفاضلة: زوجة بوقت حملها طلبت من زوجها تفاحة من الجنة احتار الزوج .. من وين إييبها؟ .. ومن أي سوق! ... طلب صعب .. دور ومالقى وبالأخير قرر يسأل أحد المشايخ ف شار عليه وقاله: إشتري تفاح من السوق وروح لوالدتك ومررها على أسفل أقدامها وبالتالي إنت لبيت طلب زوجتك
تجلت النعمة وعلت وألف حمد شكر عليها لكن المعنى من هذي القصة.. الجنة تحت أقدام الأمهات
وسلامتج
Hi
yes no one can live without mam
yestahloon mamtna kel el she3er w kel el kalam ma ywafee t3abhom ma3ana
thanx
Plastic lips
يا أهلين
فعلا لو نظل طول عمرنا نعطيها ما راح نوفيها حقها
شكرا عالمرور الأول
Post a Comment